Qazaqstan • 26 Qyrkúıek, 2022

Qazaqstannyń DHR men LHR referendýmy boıynsha ustanymy qandaı?

76 ret kórsetildi

Syrtqy ister mınıstrligi LHR, DHR, sondaı-aq Ýkraınanyń Zaporoje jáne Herson oblystarynyń kvazımemlekettik aýmaqtarynyń Reseıge qosylýy boıynsha ótken referendýmǵa qatysty Qazaqstannyń ustanymyn jarııalady, dep habarlaıdy Egemen.kz.

«Qazaqstan memleketterdiń aýmaqtyq tutastyǵy men egemendigin saqtaý prınsıpterin qoldaıdy. Memleket basshysy birneshe ret, sonyń ishinde jaqynda BUU minberinen sóılegen sózinde dúnıejúzilik ámbebap uıymnyń Jarǵysyna negizdelgen halyqaralyq quqyq qaǵıdatyn buljytpaı saqtaýdyń mańyzdy ekenin naqty aıtty», dedi Syrtqy ister mınıstrliginiń resmı ókili Aıbek Smadııarov.

Atalǵan Jarǵy BUU-ǵa múshe memleketterdiń beıbitshilikti saqtaý jáne memleketterdiń aýmaqtyq tutastyǵyna qurmetpen qaraý qaǵıdalaryna negizdelgen. 

«Sondyqtan biz saıası dıalog ornatýǵa jan-jaqty kómek kórsetýge daıyn ekenimizdi rastaımyz. Bul rette elimiz óńirlik deńgeıde de jahandyq deńgeıde de turaqtylyqty saqtaýdy eń mańyzdy mindet dep sanaıdy», dedi A.Smadııarov. 

Buǵan deıin Qasym-Jomart Toqaev Vladımır Pýtınmen kezdesýinde: «Eger ulttardyń ózin-ózi aıqyndaýyna jol berilse, onda jer sharynda BUU-ǵa kiretin 193 eldiń ornyna 500-600 memleket paıda bolar edi», degen bolatyn.

«Sol sebepti biz Taıvandy da, Kosovany da, Ońtústik Osetııany da, Abhazııany da moıyndamaımyz. Demek, biz kvazımemlekettik aýmaq bop esepteletin Donesk pen Lýganskke qatysty da osy prınsıpti ustanamyz»,  degen sol kezdesýde Qasym-Jomart Toqaev. 

Eske salaıyq, juma kúni LHR, DHR, sondaı-aq Ýkraınanyń Zaporoje jáne Herson oblystarynda Reseıge qosylý týraly referendým bastaldy. Daýys berý 27 qyrkúıekke deıin jalǵasady.

Sońǵy jańalyqtar

Dollar baǵamy 3 teńgege kóterildi

Qarjy • Búgin, 16:38

Qazaq balýany ulyqtaldy

Qoǵam • Búgin, 14:36

6 jeltoqsan - Prokýratýra kúni

Qazaqstan • Búgin, 13:00

SQO-da 50 jylqy muz astynda qaldy

Aımaqtar • Búgin, 09:18

Ábsattar Derbisáli atyndaǵy dárishana

Aımaqtar • Búgin, 08:17

Qazaqstan tájirıbesi joǵary baǵalandy

Saıasat • Búgin, 08:15

Uqsas jańalyqtar