Parlament • 26 Qyrkúıek, 2022

Senatorlar sarapshylarmen sot júıesin reformalaý barysyn talqylady

54 ret kórsetildi

Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń depýtattary M.Nárikbaev atyndaǵy QAZGZÝ ýnıversıtetinde ótken dóńgelek ústel otyrysynda Joǵarǵy sot ókilderimen, ǵylymı qyzmetkerlermen, sarapshylarmen jáne zańgerlermen birge sot júıesin odan ári reformalaýǵa qatysty máselelerdi talqylady, dep habarlaıdy Egemen.kz.

Komıtet tóraǵasy Vladımır Volkov óziniń kirispe sózinde Senat janynan qurylǵan jumys toby Joǵarǵy Sot usynǵan sot júıesin reformalaý jónindegi 10 qadamdy jan-jaqty talqylaý boıynsha aýqymdy jumys júrgizgenin atap ótti.

«Reformalardyń negizgi máni azamattardyń sotqa degen senimin arttyrý boldy jáne solaı bolyp qala beredi. Depýtattar sońǵy 4 jylda sot júıesin jańǵyrtýǵa oraı 30-dan astam zań qabyldady. Engizilgen túzetýlerdiń arqasynda osy jyldyń basynan bastap basqa salalardan, onyń ishinde korporatıvtik sektordan kelgen 50-ge jýyq zańger-praktık sýdıa boldy», dedi Vladımır Volkov.

Qatysýshylar shara barysynda sot júıesin reformalaý máselelerin talqylady. Senatorlardyń aıtýynsha, ózgerister sot prosesindegi taraptardyń tartysyn jaqsartýǵa, sýdıalardyń teń mártebesin qamtamasyz etýge, sol arqyly olardyń sot tóraǵalaryna táýeldiligin tómendetýge, sondaı-aq sýdıalardyń ózderi sot tóraǵalary men sot alqalary tóraǵalaryn saılaý sıpatyn engizýge múmkindik beredi.

Senator Qanatbek Safınov dóńgelek ústel jumysyn júrgize otyryp, Senatta jumys toptarynyń 14 otyrysy ótkenin, onda usynylǵan sot reformasynyń erekshelikteri egjeı-tegjeıli qaralǵanyn atap ótti.

«Memlekettik organdardyń ustanymdary da pysyqtalyp, zańgerler qaýymdastyǵynan, quqyqtanýshylar men qoǵamdyq uıymdardan usynystar alyndy. Biz reformanyń jumys toptarynda talqylanbaǵan basqa da qadamdaryn da talqylaý qajettigin aıttyq», dedi senator Safınov.

Otyrys barysynda Joǵarǵy Sottyń ákimshilik ister jónindegi sot alqasynyń tóraǵasy Aslan Túkıev, KAZGIýÝ ýnıversıtetiniń Basqarma tóraǵasy Talǵat Nárikbaev jáne basqalar da baıandama jasady.

Senator Vladımır Volkov otyrysty qorytyndylaı kelip sot júıesin reformalaý jumystary jalǵasyp jatqanyn aıtty. Komıtet kezdesý barysynda usynylǵan bastamalar men ıdeıalardy jan-jaqty zerdelep, aldaǵy jumys toptarynda qaraıtynyn atap ótti.

Sońǵy jańalyqtar

Uqsas jańalyqtar