Memleket basshysy áleýmettik ınfraqurylymdy damytý máselesin qozǵap, Shymkentte bıyl stýdentter saraıy men balalar shyǵarmashylyq ortalyǵy salynatynyn atap ótti.
«Demografııalyq ósimdi eskere otyryp, ákimdikke 2025 jylǵa qaraı taǵy bir Oqýshylar saraıyn salýdy tapsyramyn. Shymkentte bes jyl ishinde 101 mektep salý josparlanǵan. Bul mańyzdy iske bıznes ókilderi belsendi atsalysýda», dedi Qasym-Jomart Toqaev.
Prezıdenttiń aıtýynsha, sońǵy eki jylda qalada 50 jeke mektep ashyldy.
«О́ńir kásipkerleri bilim berý júıesiniń damýyna úlken úles qosýda. Aldaǵy jyly ákimdik úsh aýysymdy mektepter máselesin tolyǵymen sheshýi tıis», dep qosty Prezıdent.
Memleket basshysy densaýlyq saqtaý salasyndaǵy ahýalǵa da toqtalyp, Shymkentke zamanaýı standarttarǵa saı keletin perzenthana qajet ekenin aıtty.
«Osyǵan baılanysty Úkimet pen ákimdiktiń aldyna perzenthana qurylysyn jedeldetý mindeti qoıyldy», dep jazady Prezıdenttiń baspasóz qyzmeti.
