Aımaqtar • 27 Qyrkúıek, 2022

100 aýylda mobıldi ınternet joq

83 ret kórsetildi

О́ńirlerdi sıfrly kommýnıkasııa júıelerimen qamtý máselesi qashanda ózekti. Bul rette Sıfrlyq damý, ınnovasııalar jáne aeroǵarysh ónerkásibi mınıstrligine Abaı obly­syndaǵy aýyldy eldi mekenderdi ınternet baılanysymen qamtamasyz etýge qatysty arnaıy saýalhat joldaǵan edik.

Kollajdy jasaǵan Záýresh SMAǴUL «EQ»

Jaýapty vedomstvonyń bergen málimetine súıensek, qazir Abaı oblysyndaǵy 110 aýyl­dy eldi mekende turatyn 15 myń­daı adam (halyqtyń 2,3%-y) mo­bıldi ınternetpen qam­tylmaǵan. Alaıda mınıstrlik 223 eldi mekende turyp jatqan 625,3 myń halyqtyń nemese 97,7%-y symdy jáne symsyz baı­lanys tehnologııalary qyz­metterimen qamtamasyz etilgen dep sendirip otyr.

«Abaı oblysynda 333 eldi meken bar (halqy 640,3 myń adam), onyń ishinde 6 qala (387,2 myń adam) jáne 327 aýyl (253,2 myń adam). Qazirgi ýaqytta ha­lyq sany 625,3 myń adamdy qu­raıtyn 223 eldi meken nemese ha­lyqtyń 97,7% symdy jáne sym­syz baılanys tehnologııalary boıynsha qyzmetterimen qamtamasyz etilgen. 15 myń adam nemese halyqtyń 2,3%-y tu­ratyn 110 aýyldy eldi me­ken mobıldi ınternetpen qamtylmaǵan kúıinde qalyp otyr. Onyń ishinde 2024 jyl­ǵa deıin «Vostoktelekom» JShS 55 aýyldy eldi mekendi sa­lyq jeńildikteri arqyly keń­jo­laq­ty qoljetimdilikpen qam­tama­syz etetin bolady.

Sonymen qatar 53 aýyldy el­di mekendi geostasıonarlyq emes spýtnıktik júıeler (bu­dan ári – GESO) esebinen qam­tamasyz etý máselesi pysyq­talyp jatyr. Halyqty keń­jolaqty qolje­timdilikpen qam­tamasyz etý maq­satynda GESO ornalastyrý úshin OneWeb, Space X jáne SES kompanııa­larymen tıisti ju­mystar júr­gizilip keledi. Joba 2023 jyly bas­talýǵa tıis.

Sondaı-aq kórsetiletin baılanys qyzmetteriniń sapasyn jaqsartý úshin mınıstrlikpen baılanys qyzmetteri sapa­synyń tehnıkalyq parametr­lerin ól­sheý ádistemesi (Qazaq­stan Res­­pýblıkasy Aqparat jáne kommýnı­kasııalar mı­nıs­triniń 2017 jylǵy 29 tamyz­daǵy №327 buı­ryǵy) jáne baıla­nys qyz­metteri sapa­synyń kórsetkishteri (Qazaq­stan Res­pýb­lıkasy Aqparat jáne kommýnıkasııalar mı­nıs­­triniń 2017 jylǵy 22 qara­shadaǵy №410 buıryǵy) bekitilip, olar baılanys sapasyna tekserý júrgizýge quqyq­tyq negiz beredi. Internet jyldam­dyǵynyń ruqsat etilgen eń tómengi deńgeıi bóliginde baılanys qyzmetteri sapasynyń kórsetkishterine ózgerister engi­zilýine oraı baılanys opera­torlary respýblıkanyń eldi mekenderin ınternet qyzmet­terimen qamtamasyz etý boıynsha aqparatty ózektendirdi.

Osylaısha, baılanys opera­torlarynyń derekteri boıynsha qalǵan 26 aýyldy eldi mekende ınternetke qol jetkizý be­kitilgen sapa kórsetkishterine sáı­kes kel­meıdi», delingen qu­zyr­ly organ­nyń resmı jaýabynda.

Bul oraıda mınıstrlik baı­lanys operatorlarymen bir­lesip, osy aýyldy eldi me­ken­derde keń­jo­l­aqty qolje­tim­dilikti qam­­­ta­ma­syz etý máse­le­sin qa­ras­ty­ryp jat­qanyn jet­kizdi.

 

Abaı oblysy

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar