Bıznes-qoǵamdastyqpen kezdesý barysynda Bas prokýror Prezıdenttiń quqyq qorǵaý organdary tarapynan qysymdy tómendetý jónindegi tapsyrmasy aıasynda qandaı jumys júrgizilgenin baıandady.
Onyń aıtýynsha, prokýrorlar qylmystyq orbıtaǵa túsken kásipkerlerdiń shaǵymdaryn kún saıyn alady.
«Biz isterdi toqtatý, tutqyndaýlar men basqa da shekteýlerdi alyp tastaý boıynsha sharalar qabyldadyq. Jyl basynan beri bıznes sýbektilerine qatysty zańsyz qozǵalǵan 400-den astam qylmystyq is toqtatyldy», dedi Berik Asylov.
Máselen, Bas prokýrordyń nusqaýyna sáıkes, eger bıznesmen tekserý nemese aýdıt nátıjelerine shaǵymdaný úshin merzimi ótpegen bolsa; eger sheshim negizinde qylmystyq qýdalaý organynyń shtattyq mamany jasaǵan zalal týraly resmı qorytyndy bolsa; eger merdiger únemdeý nátıjesinde paıda alsa jáne oryndalǵan jumystardyń sapasyna qatysty shaǵymdar bolmasa, is qozǵaýǵa tyıym salynady.
Prokýrorlarǵa qozǵalǵan isterdi 24 saǵat ishinde tekserý tapsyryldy. Buzýshylyqtar anyqtalǵan jaǵdaıda mundaı ister dereý toqtatylady.
