Áleýmettik jelilerde Qazaqstannyń Ulybrıtanııadaǵy elshiliginen túsirilgen kadrlar tarap júr. Ǵımarat Pall Mall kóshesinde ornalasqan.
Jarııalanǵan sýretterde adamdardyń bir aptadan astam ýaqyt boıy reseılikterdi qabyldap júrgen Qazaqstanǵa alǵys retinde elshiligimizge gúl shoqtaryn, hattar men plakattar qaldyryp jatqany kórinedi.
Plakattarda «kóp rahmet» jáne «thank you» alǵys sózderi jazylǵan, sondaı-aq qazaqstandyqtar qazir reseılikterdi qutqaryp jatqany atap ótiledi.
Basqa kadrlarda Qazaqstannyń Reseıdegi Elshiligi beınelengen. Máselen, Twitter qoldanýshysy Aleksandra Astahova Máskeýde ornalasqan ǵımarattyń aldyna qoıylǵan gúl shoqtary men hattardy kórsetti. Olarda «Qazaqstan! Meıirimdilik úshin rahmet! Bizdiń er adamdarymyzǵa pana bergenderińiz úshin rahmet», dep jazylǵan.
