О́ner • 02 Qazan, 2022

Kerim dala kelbeti

72 ret kórsetildi

Ábilhan Qasteev atyndaǵy óner mýze­ıinde belgili sýretshi Baýyrjan Baı­dildániń «Týǵan el» atty jeke kórmesi ashyldy. Týǵan ólke tabıǵatyn tumar etken kezekti kórme sýretshiniń sońǵy jyldar bederinde jazǵan týyndylaryn quraıdy.

Beıneleý óneriniń birneshe túrin erkin meńgergen sheber óz shyǵarmashylyǵymen qatar ustazdyq jolda tabandy eńbek etip, jas talanttardy qylqalam qudiretiniń qupııasymen qaýyshtyryp júr. Keskindemelik, grafıkalyq, mozaıkalyq mánerde oryndalǵan týyndylardyń óne boıynda qazaq dalasynyń kórnekti jerleri, ańyz ólkelerdiń qasıeti, málim de beımálim tabıǵat tylsymy kórinis tapqan. Osynyń bárin sheber tiliniń kórkemdigine aınaldyryp, kenep betin nárlendirip turǵan basty kúsh – shyǵarmadaǵy ulttyq minez, epıkalyq saryn. Túrli formattaǵy peızajdar, tarıhı tulǵalarǵa arnalǵan qanyq tústermen kómkerilgen portretter sýretshiniń ulttyq taqyryptaǵy izdenisteriniń jemisi.

«Sýretshi shyǵarmashylyǵynan elýinshi jyldar sońyndaǵy ulttyq romantızm ókilderimen uqsastyqty kóremiz. Sulýlyqty tanýdan bastalǵan beıneleý óneri tarıhyndaǵy negizgi qasıetter Baýyrjan Nurbekulynyń boıyna daryǵan. Estetıkalyk, klassıkalyq shynaıy ónerdi tanýǵa umtylǵan talǵampaz kórermen kórmeden aıryqsha áser alyp qaıtary shúbásiz», deıdi kórme jetekshisi Aqjigit Núsip.

Kórmedegi «Táńirtaý ıesi» dep atalǵan týyndyda álemdegi sırek kezdesetin túz taǵysy – taý barysynyń sekpildi aqshyl kelbeti hám alyp beınesi Han Táńiri shyńymen úılesim tapqan. Al Sharyn shatqalyn ózindik jyly kúreń-qońyr, jaryq-kóleńkeli surǵylt-qara reńktermen jáne kanyq jasyl jotalarmen jalǵastyryp alyp kelip shyńdy kókjıekke ushtastyrǵan. Sýretshi keneptegi negizgi nysan men artqy fondy tutastyrý arqyly kartınanyń kompozı­sııa­lyq sheshimin sheber qoıady. Aıtalyq, Teljanov­tyń tik kelbetti portretin ımpressıonızmdik jaǵyndylarmen, Kenbaevtyń jyly júzdi beınesiniń artqy fonyn ataqty týyndysy «Asaýǵa quryq salý» kenebindegi sary tústermen jáne Naýryzbaevtyń jıi somdaǵan suńǵaq mú­sinderi sekildi qoıý sur túspen kómkergen. Muny keıipkerdiń ózara shyǵarmashylyq ereksheligin fon arqyly aıqyndaý dep ataǵanymyz jón.

n

Baýyrjan Nurbekuly Baıdildá 1962 jyly 12 jeltoqsanda Jambyl oblysynda dúnıege kelgen. N.V. Gogol atyndaǵy Almaty kórkemsý­ret ýchılıshesin (1981) «Stanoktyq keskindeme» mamandyǵy jáne Almaty memlekettik kór­kem-teatr ınstıtýtyn (1989) monýmentaldyq óner sýretshisi mamandyǵy boıynsha bitir­gen. Kórkemóner akademııasynyń korrespondent-múshesi. Búgingi tańda T.Júrgenov atyndaǵy Qazaq Ulttyq óner akademııasy «Keskindeme jáne músin» fakýltetiniń dekany.

 

ALMATY

Sońǵy jańalyqtar

Aıtyp kelgen apat

Aımaqtar • Keshe

«Myń bala» jeńimpazdary

Rýhanııat • Keshe

Aqıqattyń aı dıdary – baspasóz

Egemen Qazaqstan • Keshe

Yntymaqtastyq yqpaly

Ekonomıka • Keshe

Jańa formattaǵy saýda

Ekonomıka • Keshe

Jótelge jeńil qaramańyz

Medısına • Keshe

Kókjardaǵy modýldi medpýnkt

Medısına • Keshe

Bitimgershilik sardarlary

Qazaqstan • Keshe

Jyp-jyly júrek býyndaı

Ádebıet • Keshe

Daýystyń da túsi bar

Ádebıet • Keshe

Talantty ánshige taǵzym

О́ner • Keshe

Uqsas jańalyqtar