21 Mamyr, 2014

Azııa chempıony atandy

346 ret
kórsetildi
1 mın
oqý úshin
E.PolıvadovО́tken aptada Bangkokta grek-rım kúresinen kadetter arasyndaǵy Azııa chempıonaty aıaqtaldy. Osynaý qurlyqtyq saıysta Qazaqstan quramasynyń palýandary eki altyn, eki kúmis jáne tórt qola medaldy utyp aldy. Qos altyn medaldyń birin enshilegen atyraýlyq palýan Evgenıı Polıvadov 69 kıloda tórt qarsylasynan da basym túsip, Azııa chempıony atandy. Sóıtip, bolashaǵynan úmit kúttirgen jas palýan E.Polıvadov Qytaıda ótetin kadetterdiń Olımpııa oıyndaryna beriletin joldamany utyp aldy. Kadetterdiń Olımpııa oıyndary tamyz aıynda ótedi. Eske sala keteıik, atyraýlyq balýan buǵan deıin Qazaqstan chempıonatynda jeńistiń bıik tuǵyryna kóterilgen edi. So­nymen qatar, Olımpıada oıyn­darynyń júldegeri, dańqty palýan Dáýlet Turlyhanov atyndaǵy halyqaralyq týrnırde de jeńimpaz atanyp úlgerdi. Aıtqandaı, Evgenıı Polıvadovty óziniń ákesi, Azııa chempıonatynyń júldegeri Meırambek Turdalıev, Qazaqstan chempıondary Nurlan Muqanov, Talǵat Qazıev jáne Farhad Ǵımranovtaı sheber­­­ler­di shyńdaǵan belgili bap­ker Aleksandr Polıvadov jattyqtyrady. Joldasbek ShО́PEǴUL, «Egemen Qazaqstan». Atyraý oblysy.