Oqıǵa • 03 Qazan, 2022

Reseıde oqýshy qyz áskerı komıssarıatty órtep jibermek boldy

58 ret kórsetildi

Reseıdiń Qazan qalasynda áskerı komıssarıatty órtep jibermek bolǵan oqýshy qyz ustaldy, dep habarlaıdy Egemen.kz.

«11-synyp oqýshysy Jýrnalıster kóshesindegi Sovet aýdany áskerı komıssarıatynyń ǵımaratyna qaraı bet alǵan. Qyzdyń qasynda úsh «Molotov kokteıli» bolǵan. Ol eki bótelkeni ǵımaratqa laqtyrǵan. «Molotov kokteıli» áskerı komıssarıatqa birneshe metr jetpeı qalǵan», dep jazylǵan Oxu.az agenttigi taratqan aqparatta. 

Ustaý kezinde onyń qolynda taǵy bir «kokteıl» bolǵan. Boıjetken polısııaǵa Ýkraınadaǵy soǵys pen mobılızasııaǵa qarsylyǵyn osylaısha bildirmek bolǵan. Osydan keıin stýdent qamaýǵa alyndy. 

Dál osyndaı oqıǵa Krasnoıarsk qalasynda da boldy. Belgisiz bireý Keńes jáne Ortalyq oblystardyń áskerı komıssarıaty ǵımaratyna eki «Molotov kokteılin» laqtyrǵan. Aýmaqtaǵy shóp órtenip, ony ǵımarat kúzetshileri sóndirip úlgergen. Al órtti qoıǵan adam oqıǵa ornynan qashyp ketken.

 

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar