«Úzdik maman-2022» jeńimpazdary marapattaldy

Eki kúnge sozylǵan baıqaýdy ótkizýdegi negizgi maqsat – kásibı daǵdyny jetildirý, eńbektiń ozyq ádisteri men tásilderin tájirıbede synap, mamandar arasynda taratý. Sonymen birge gaz tasymaldaý júıesiniń apatsyz, joǵary ónimdi jumysyn jáne joǵary teh­nı­ka­lyq múmkindigin qamtamasyz etý úshin qyzmetkerlerdi soǵan mo­ral­dy jáne materıaldy turǵyda da­ıyndaý, olardyń múddelerin eskerý bolyp tabylady. Is-shara «QazaqGaz» UK» AQ Ǵylymı-tehnıkalyq ortalyǵynyń Oqý polıgony bazasynda uıymdastyryldy. Baıqaýǵa aldymen IOA óndiristik fılıaldarynda irikteýdiń birinshi týrynan súrinbeı ótip, úzdik nátıje kórsetken 105 maman qatysty.

Baı­qaýdyń ekinshi fınaldyq týry 15 konkýrstyq mamandyq boıynsha praktıkalyq tapsyrmalar oryndaýmen qorytyndylandy. Máselen olardyń qatarynda elektr gazben dánekerleýshi, jerasty gaz qubyrlaryn paıdalaný jáne jóndeý slesari, elektr jabdyqtaryn jón­deý jáne qyzmet kórsetý, elektr monteri syndy mamandyqtar bar. Konkýrstyq komıssııa baıqaýǵa qatysýshynyń óndiristik alańda oryndaǵan jumysynyń sapasyn, eńbektiń utymdy jáne qaýip­siz tásilderin qoldanýdy, qatysý­shy­nyń óndiristik derbestik dárejesin, tapsyrmany oryndaýǵa jumsalǵan naqty ýaqytty, sondaı-aq alǵashqy medı­sınalyq kómek kórsetý daǵdy­la­­ryn baǵalady.

«Búginde gaz salasy elimizdiń ındýstrııalyq-ınnovasııalyq da­mýy­na jáne ulttyq ekonomıkasyna zor úlesin qosýda. Sondyqtan onyń kadrlyq áleýetin damytý óte mańyzdy is bolyp sanalady. Endeshe búgingideı aýqymdy kásibı jarys­ty uıymdastyrý – osy sózimizdiń aıqyn dáleli. Alǵash ret qolǵa alynǵan ýaqyttan beri bul baıqaý kásibı ósýdiń qýatty stımýlyna aınalyp úlgerdi. Jáne búginde  ozyq eńbek tájirıbelerimen al­ma­­sý­dyń tamasha alańy sanalady. О́z kezeginde «QazaqGaz» ulttyq kom­panııasy qyzmetkerleriniń ár­qaı­sysy ózin maman ári jeke tul­ǵa retinde sezinip, sol maqsatqa qol jetkizýi úshin bar jaǵdaı men múm­kindikti qarastyrady. Bul rette biz óndiriske, qaýipsiz eńbek jaǵdaılaryn uıymdastyrýǵa, qyz­met­­kerlerimizdiń kásibı deńgeıi men ómir súrý sapasyn arttyrýǵa eleýli ınvestısııalar salýdamyz.

Aıtalyq, gaz salasyndaǵy quzy­ret­ter ortalyǵy – «QazaqGaz ǴTO» ǵylymı-tehnıkalyq ortaly­ǵyn qurdyq. Endigi jerde ol Qazaq­stan­nyń jáne sheteldiń jetekshi tehnıkalyq joǵary oqý oryndaryn, halyqaralyq gaz kompanııalaryn yntymaqtastyqta jumys isteýge shaqyryp otyr.

Álbette, bul baǵytta búginde belsendi jumys atqarylyp jatyr. Sebebi jaqsy oqytylǵan jáne joǵary bilikti qyzmetkerler kom­panııanyń sátti damýy úshin qýatty negiz bolyp sanalady»,  dedi «QazaqGaz» UK» AQ Basqarma tóra­ǵasynyń orynbasary Meıirbek Ihsanov baıqaýdyń saltanatty ashylý rásiminde sóılegen quttyqtaý sózinde.

Ulttyq kompanııa ókiliniń má­lim­­deýinshe, gaz salasyn únemi damytyp, jetildirip otyrý eń bas­ty strategııalyq mindet bolyp sa­­nalady. Al ony júzege asyrý bi­lik­ti mamandarsyz múmkin emes. Sondyqtan, mundaı konkýrstar ult­tyq kompanııanyń kadr má­se­­lesi bo­ıynsha jyldan-jylǵa ále­ýe­tin ósi­rip otyrýǵa keń jol ashady. О́ıtkeni kez kelgen mekemeniń tabystylyǵy onyń mamandarynyń biliktiligine tikeleı baılanysty. Osy oraıda «Úzdik maman» konkýrsy «Intergaz Ortalyq Azııa» AQ jumysshylarynyń jyl sa­ıyn asyǵa kútetin, múmkindiginshe qa­ty­sýǵa talpynatyn is-sharasyna aı­nalǵan.

Gaz salasynda ter tógip júrgen mamandardyń arasyndaǵy bul jarys jyl saıyn ótkizilip keletinin jáne osy kúnde ol turaqty ári dástúrli baıqaýǵa aınalǵanyn aıtady gaz salasy boıynsha Respýblıkalyq ardagerler uıymynyń tóraǵasy Erqanat Temirhanov. Qazaqstannyń túkpir-túkpirinen at arytyp keletin mamandar osynda ózderiniń biliktilikterin kórsetip, kóptiń ortasynda báıgege túsedi. Jarystyń nátıjesinde qatysýshylar túrli syılyqtarmen marapattalyp, qomaqty júldege qol jetkizip jatady. Al bárinen buryn eń mańyzdysy – ol baıqaýdan jınaıtyn mol tájirıbeni arttyrý, tanysyp-bilisý jáne ujymynyń, dostarynyń aldynda abyroı, syıǵa ıe bolý.

– Jalpy, mamandardyń bilikti bolýy elimizdiń gaz salasyndaǵy kásibı deńgeıdiń artýyna zor úles qosady. Sol arqyly osy saladaǵy kásibı sheberlik aıqyndalady desek, qatelespeımiz. Ýaqyt bir orynda turmaıdy. Jyldan-jylǵa tehnologııalar ózgerip turady. Sol úshin de «Intergaz Ortalyq Azııanyń» oqý alańynda gaz taratý men gazben jabdyqtaýdyń eń ozyq tehnologııalarynyń úlgileri baıqaýǵa qatysýshylarǵa jyl saıyn tanystyrylyp otyrady. О́ıtkeni jumyskerler árdaıym barlyq sıtýasııaǵa daıyn bolýy kerek. Máselen, oqys jaǵdaı oryn alǵan ýaqytta tez sheshim qabyldap, az ýaqyt ishinde aqaýdy joıýy qajet. Talap boıynsha «kógildir otyn» klıentterge toqtaýsyz berilýge tıis. Al gaz taratýda irkilistiń bolmaýyn qamtamasyz etetin mamandardyń qaı kezde de biliktiligi men tájirıbelik sheberligi joǵary deńgeıde turýy kerek. Sondyqtan baıqaýdyń ju­mys­­kerlerdiń kásibı deńgeıin shyń­daý­ǵa, tájirıbelerin arttyrýǵa bereri mol. Ári bul konkýrsty tek qa­rapaıym jarys qana emes, sonymen birge keńesetin, jańa sheshimder qa­byldaıtyn, aldaǵy josparlardy aı­qyndaıtyn alań dep te qaraý kerek. Zaman talabyna saı qazir barlyq standarttar men erejeler ózgerip jatyr. Máselen, qaýipsizdikke baılanysty jumyskerlerdiń kıim­ for­masy jańa úlgige kóshti. Osy­ǵan oraı álemdik standartqa saı qazaqstandyq mamandardyń da ká­sibı kıim úlgisi jańarýda. Bul da bolsa úlken jetistik. О́z retinde osynda konkýrsqa qatysyp, biraz tájirıbe jınaqtap, kórgen-bilgen jańalyqtaryn sanasyna túıip úlgergen mamandar elge oralǵan soń ózderi de áriptesterine kóp nárse úıretip, tájirıbesimen bólisetin bolady. Sebebi oqý alańyndaǵy barlyq qural-jabdyqtar men tehnologııalar mamandar kúndelikti jumysta kórip júrgen shynaıy jaǵdaıdyń dálme-dál kóshirmesi. Sondyqtan bul baıqaý ári qatysýshylar úshin sheberligin anyqtaıtyn synaq bolsa, ekinshiden, basshylyq úshin de saladaǵy jalpy jaǵdaıdy syrt­­tan baqylap kórýge, búginge deıingi atqarylǵan jumystardyń nátıjelerin eksheıtin emtıhan. Bir qýanarlyǵy, baıqaý arqyly jumysshylardyń deńgeıi jyldan-jylǵa ósip keledi. Sonyń bir aıǵaǵy, halyqaralyq deńgeıdegi osyndaı konkýrstyń birinde bizdiń gazben, elektrmen dánekerleýshi mamandarymyz júldeli birinshi oryndy ákelip otyr. Joǵaryda aıtqanymdaı, zaman kóshinen qalmaý – árbir azamattyń basty mindeti. Sonyń ishinde gaz salasynda eńbek etip júrgen kisiler de óz mamandyǵy boıynsha búgingi barlyq ozyq tehnologııany jaqsy bilýge tıis. Bizdiń kezimizde qural-jabdyqtar qarapaıym bolsa, qazir sıfrlyq júıege negizdelgen tehnologııalar óte kúrdelenip ket­ti. Degenmen kásibi gaz salasyna ne­giz­delgen árbir maman búgingi zaman tehnologııasyn aýyr-jeńildigine qaramaı bir kisideı bilýi kerek. Al dástúrli baıqaý sol talaptyń úde­sinen shyǵyp otyrǵan eń bas­ty ári mańyzdy is-sharanyń rólin atqarady, – deıdi E.Temirhanov.      

Baıqaýǵa qatysýshylar baıqaý­dyń sharttary men tapsyrmalary únemi jetildirilip otyratyndyǵyn, óner­kásiptik qaýipsizdik jáne eńbek­ti qorǵaý erejelerin bilýge qoıy­latyn talaptar artyp kele jat­qanyn jáne qatysýshylardyń da­ıyn­dyq deńgeıi jyl saıyn ósip kele jatqanyn atap ótti.

– Osydan 5 jyl buryn atalǵan baıqaýda birinshi oryn aldym. Byltyr taǵy da baǵymdy synap kórip, ekinshi orynǵa iliktim. Bıyl da báıgege túsip, qansha ýaqyt armandap kelgen birinshi oryn tuǵyryna kóterildim. Osy salada jumys istep kele jatqanyma 12 jyl boldy. Oral qalasyndaǵy №1 kásiptik lıseıde bilim alǵanmyn. Sosyn áskerı boryshymdy ótep kelgen soń, elektr gazben dánekerleýshi bolyp jumysqa ornalastym. О́zime jumysym unaıdy. Mekeme bar­lyq jaǵdaıymyzdy jasap otyr. Aldymen irikteý bolyp, sol synaqtan joǵary upaı alyp shyqtym. Keıin fınaldyq baıqaýǵa qatysýǵa osy jerge jiberdi. Osy konkýrs arqyly ózimniń bilikti, sheber maman ekenimdi dáleldegim keldi. Jarys bastalǵanǵa deıin aldyn ala daıyndyqta júrdim. Onyń ústine kúndelikti dánekerleý isimen aınalysqan soń, tájirıbe de ózdiginen shyńdala beredi. Jyl saıyn emtıhan tapsyramyz. Jańa tehnologııalar paıda bolyp jatyr. Olardy ıgerý úshin de jylda bilimińdi jetildirip, biliktilikti arttyryp turý qajet. Baıqaýda elektr, gazdan bólek argonmen dánekerleý boıynsha da jarystyq. Keleshekte dánekerleý isinde osy tásil keńinen qoldanylatyn bolady. Degenmen argonmen dánekerleýdi baıqaýǵa qatyspaı turyp meńgergenmin. Eń bastysy, osy baıqaý arqyly ózime kóptegen dos taptym. О́zge óńirlerdiń áriptesterimen eki kún boıy jaqyn aralasyp, olardan da biraz tájirıbe úırendim. So­ny­men birge «Úzdik maman» konkýrsy jumysqa degen yqylasty oıatyp, yntany kúsheıtedi. О́ıtkeni adam ózine maqsat qoıyp, sol armanyna jetý úshin kúndiz-túni eńbektenedi, kóp oqyp, aldaǵy ja­rys­qa tyńǵylyqty daıyndalady. Taǵy bir aıta keterligi, ár jylǵy baıqaýda jańa ádis-tásilder, tehnologııalar paıda bolyp otyrady. Máselen, byltyrǵy konkýrsta tek elektrmen dánekerleý boıynsha júldege talassaq, bıylǵy jarys­ta argondy-doǵaldy dánekerleý isi qosyldy. Sondaı-aq bıylǵy baıqaýda básekelestik óte joǵary boldy. Toǵyz adam birdeı júldege ıe bolýǵa umtyldy. Byltyrǵy jarys­­ta qatysýshylar sany budan álde­qaıda az edi, – dedi Oral qa­la­synan kelgen elektr gazben dánekerleý nomınasııasy boıynsha birinshi oryn alǵan maman Mars Erjanov.  

Bul baıqaýdyń este qalarlyq oqıǵasy – oqý alańynda jarysqan qatysýshylar bir-birine ózara aıtarlyqtaı ótkir básekelestik týdyr­dy. Osy rette baıqaýdy uıym­das­tyrýshylar báıgede baqtaryn synap kórgen mamandarǵa óz qabi­let­terin tolyq ashyp kórsetýge múm­kindik berdi jáne jarystyń óz deńgeıinde ári ádil ótýine ba­ryn­sha qolaıly jaǵdaı jasady. Jarys qorytyndysynda konkýrs jeńimpazdaryna arnaıy dıplomdar tabys etilip, eńbekaqylaryna jyldyq ústemeaqy belgilendi.

ShYMKENT