Sal aýrýyna shaldyqqan balalardy saýyqtyrýǵa arnalǵan ońaltý ortalyǵy ashyldy

Astanada «Qasıetti jol» qoǵamdyq qory «Samuryq-Qazyna» Ulttyq ál-aýqat qorynyń qoldaýymen «Deni saý bala – ult bolashaǵy» jobasy aıasynda sal aýrýyna shaldyqqan balalardy saýyqtyrýǵa arnalǵan ońaltý ortalyǵynyń tusaýyn kesti. Búginde Qazaqstan boıynsha sal aýrýymen aýratyn 10 myńnan astam bala tirkelgen. Áleýmettik mańyzy zor jobany júzege asyrýǵa «Nur Otan» partııasy da qolǵabys tıgizýde. Ońaltý ortalyǵyn «Samu­ryq-Qazyna» ulttyq ál-aýqat qorynyń jurtshylyqpen baılanys jónindegi departament dırektory Aıdar Mahmetov saltanatty túrde ashty. Ortalyq qonaqtaryna emdeýden ótip jatqan balalar shaǵyn konsert kórsetti. Ortalyq jumysymen «Qasıetti jol» qaıyrymdylyq qorynyń prezıdenti Gúlmıra Ǵalımova tanystyrdy. «Samuryq-Qazyna» Ulttyq ál-aýqat qorynyń qoldaýy arqa­synda bıyl «Qasıetti jol» qoǵamdyq qaıyrymdylyq qory­nyń Ońaltý ortalyǵy Astana jáne ár alýan aımaqtar­dan kelgen, sal aýrýyna shaldyqqan 250-den astam syrqat balany qabyldaıdy. Ortalyqta qyzmet etý úshin osy salada úlken tájirıbesi bar óńirdiń úzdik dárigerleri men ustazdary tartylǵan. Munda bala­lar tolyq medısınalyq tekse­rýden ótip, ońaltý boıyn­sha tegin kómek alady. 2014 jyldyń aıaǵyna deıin árqaısysy 21 kúnnen turatyn 10 ońaltý kýrsyn ótkizý josparlanǵan. «Qasıetti jol» qoǵamdyq qory jumysynyń negizgi baǵyty – qaıyrymdylyq. Qor óz aldy­na jetim, syrqat balalarǵa, az qam­syzdandyrylǵan otbasy múshe­lerine, qarttarǵa qolushyn berý­di mindet etip qoıǵan. Bul rette, meke­meler men kómekke zá­rý jandarǵa materıaldyq qol­daý kórsetý, ári mesenattyq pen fı­lan­­tropııany damytý bas­ty nazarda. «Egemen-aqparat».