«Qazaqstan azamattyǵyn alýǵa nebári 68 ótinish tústi. Azamattyq alýdyń belgili bir joldary bar, olar aldymen solardan ótedi», dedi Marat Ahmetjanov Úkimet otyrysynan keıin.
Sonymen qatar mınıstr sheteldik azamattar qandaı jaǵdaıda Qazaqstannan shyǵarylýy múmkin degen suraqqa jaýap berdi.
«Ustap berý jáne ekstradısııalaý tártibi bar, barlyǵy bizdiń zańnamamen retteledi. Basqa negizder shyǵarýdy kózdemeıdi. Ekstradısııalaýǵa ne negiz bola alady? Qazaqstan qandaı jaǵdaıda ekstradısııalaı alady? Birinshi sebep, suraý salǵan memlekette oǵan qatysty qylmystyq is qozǵalsa, ol da bizdiń zańnamaǵa sáıkes qylmystyq jazalanatyn áreket retinde tanylyp, Reseı Federasııasynyń tıisti quzyrly organdary sanksııa berýi tıis», dep túsindirdi M.Ahmetjanov.
Ol ekstradısııalaý týraly ótinishti Reseı Federasııasynyń Bas prokýrory Qazaqstannyń Bas prokýroryna jiberetinin túsindirdi.
«Qujat qabyldanǵannan keıin, ol shynymen qylmystyq jazalanatyn áreketti jasady ma, bul áreket shynymen de zań boıynsha qylmystyq quqyq buzýshylyq dep tanyldy ma degen suraqtardy naqtylap alý qajet. Sheteldik azamatty ekstradısııalaý kezinde, ıaǵnı olardyń bosqyn mártebesi jáne basqa da zańdy negizderi bolsa, biz bas tartatyn belgili bir halyqaralyq mindettemeler bar», dedi IIM basshysy.
