Bıylǵy dúbirli dodaǵa álemniń qyryq memleketinen 170-ten asa qatysýshy nıet bildirip, olardan 300-ge jýyq shyǵarma túsken. Konkýrstyń kórkemdik jetekshisi, qazylar alqasynyń tóraǵasy Rahat-Bı Ábdisaǵın óz sózinde bul baıqaý elimiz úshin úlken abyroı ekendigin aıtady. «О́ıtkeni osy baıqaý arqyly Qazaqstandy álemniń kóptegen eli jaqyn tanı tústi. Sebebi óner saıysyna Germanııa, Fransııa, Italııa, Ulybrıtanııa, AQSh, Qytaı, Japonııa, Ońtústik Koreıa jáne TMD memleketterinen qatysýshylar bar», dedi ol.
Baıqaýdyń maqsaty – zamanaýı akademııalyq mýzykany nasıhattap, jas talanttardy qoldap, olardy yntalandyrý. Buǵan 35 jasqa deıingi jas kompozıtorlar sımfonııalyq, kameralyq jáne vokaldyq shyǵarmalarymen qatysyp, baq synaıdy. Olardyń týyndylaryn Trıstan Mıýraı (Fransııa), Mark Andre (Germanııa), Alessandro Solbıatı (Italııa), Klod Ledý (Belgııa), Iýrıı Kasparov (Reseı) sekildi sheteldik tanymal kompozıtorlar sarapqa salady. Baıqaý onlaın formatta ótedi, basty ereksheligi – barlyq qatysýshynyń esimi ázirge belgisiz, ıaǵnı qupııa sóz arqyly qatysady. Jeńimpazdar 7 qazanda anyqtalady.
