«Kommýnaldyq jelilerdiń jaı-kúıi - bul jyldar boıy jetilip kelgen durys emes tarıftik saıasattyń saldaryn kórgen júıelik problema. Jalpy, tarıfterdi ustap turý qajettiligi men ınfraqurylymǵa ınvestısııalaý qajettiligi arasyndaǵy tepe-teńdikti tabý kerek. Bul negizgi qaǵıda», dedi Memleket basshysy.
Qasym-Jomart Toqaev aldaǵy jylytý maýsymy shtattyq rejımde ótýi keregin aıtty.
«Investısııalyq tólemder tek osy maqsattarǵa jumsalǵany jón jáne menshik ıeleri úshin negizsiz paıda kózine aınalmaýy kerek. Joldaýda men monopolııalyq naryqtardaǵy «ınvestısııa ornyna tarıf» jańa tarıftik saıasatyna kóshýdi tapsyrdym. Men Úkimetten osy baǵytta naqty nátıjeler kútemin. Aldaǵy jylytý maýsymynyń shtattyq rejımde ótýi basty másele – bul barlyq óńirler ákimderiniń tikeleı jaýapkershiligi», dep túıindedi Prezıdent.
