Pikir • 07 Qazan, 2022

Bul – bolashaqtyń tańdaýy

61 ret kórsetildi

Jastar halqymyzdyń, memleketimizdiń aldyndaǵy óz jaýapkershiligin qashanda tereń sezinedi. Ultymyzdyń basynan ótken kúrdeli ári qıyn sátterde rýhty, namysshyl jastarymyz Azattyq týynyń astyna jınaldy, ata-babalarymyzdyń amanatyna adaldyq tanytty! Buǵan – tarıh kýá.

Búgin de el jastary Qazaqstandaǵy barlyq oń ózgeristiń jarshysy. Sonyń ishinde «Amanat» partııasynyń «Jastar rýhy» jastar qanaty – elimizdegi eń iri belsendi uıym. Biz de aldaǵy kezekten tys Prezıdent saılaýyna tas-túıin daıynbyz. «Jastar rýhynyń» sezinde Memleket basshysy «Bilim, eńbekqorlyq, patrıotızm» basymdyqtaryn erekshe atap ótti. Bizben múddeles, maqsaty bir jastar óz bolashaǵyn týǵan elimen ǵana baılanystyrady. Olar ádildik pen zańǵa, demokratııalyq qaǵıdalarǵa negizdelgen Ádiletti Qazaqstandy kórgisi keledi. Olar Prezıdent Qasym-Jomart Toqaev qolǵa alǵan reformalardy qoldaıdy. Sebebi biz Memleket bas­­shy­synyń jastarǵa degen zor senimin, qamqorlyǵyn anyq kórip otyrmyz.

Qazirgi ýaqytta jastar memleketti basqarý isine belsendi aralasa bastady. Basqarýshylardyń «jańa formasııasyn» qalyptastyrý maqsatynda Prezıdenttik jastar kadrlyq rezervi jasaqtaldy. Májilis pen máslıhat­tardaǵy jas depýtattardyń jalpy úlesi 30 paıyzǵa jetti. Sondaı-aq memlekettik bilim granttarynyń sany 20, stýdent jastardyń shákirtaqysy 35 paıyzǵa ulǵaıtyldy. Ǵylymdy, sonyń ishinde jas ǵalymdardy qarjylandyrý 3 esege artty. Alǵash ret jastardyń kásipkerlik bastamalaryn qoldaýǵa 2,5 paıyzdyq shaǵyn nesıe berý mindeti qoıyldy. Sonymen qatar jastardyń sıfrlyq áleýetin arttyrý úshin ınnovasııalyq baǵdarlamalaý mektepteri iske qosylyp, 20 myń IT-vaýcher bólindi.

Árıne,  jastarǵa qatysty sheshil­me­gen máseleler az emes. Degenmen  mem­lekettik jastar saıasatyndaǵy oń ózgerister bizge senim men jiger beredi. Ál-Farabı babamyzdyń «Elińniń bola­shaǵyn bilgiń kelse, maǵan jas­taryńdy kórset» degen qanatty sózi bar. HHI ǵasyrdaǵy qazaq jastary ın­tellektýal, bilimdi, eńbekqor, ótkir de namysty urpaq dep senimmen aıta alamyn! Qıyn-qystaý sátterde, Arys pen Maqtaaraldaǵy sý tasqyny, Qostanaıdaǵy alapat órt, jahandyq pandemııa kezinde de aldyńǵy qatarda jastar, eriktiler júrgenin bilesizder.

Biz – jastar árqashan Otanymyzdyń bir qajetine jaraýǵa, qolymyzdan kelgenshe jaqsylyq, qaıyrymdylyq ja­saýǵa qulshynyp turamyz! Biz aldaǵy kezekten tys prezıdent saılaýynda Qasym-Jomart Kemelulyn qoldaımyz. О́z zamandastarymyzdy da bizben birge bolýǵa shaqyramyz. Bul tańdaý bolashaqtyń tańdaýy ekenine biz kámil senemiz!

 

Nurjan JETPISBAEV,

«Jastar rýhy» jastar qanatynyń tóraǵasy

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar