Sport • 07 Qazan, 2022

Shırek fınalǵa shyqqandar belgili

50 ret kórsetildi

Elordada ótip jatqan júlde qory eki mıllıon AQSh dollarynan asatyn ATP 500 Astana Open týrnıriniń irikteý kezeńderi aıaqtalyp, shırek fınalǵa shyqqan tennısshilerdiń esimi belgili boldy. О́kinishke qaraı, olardyń qatarynda birde-bir qazaqstandyq tennısshi joq.

Astanadaǵy Ulttyq tennıs orta­lyǵynda ornalasqan Beeline Arena sport kesheninde ótip jatqan básekeniń bastapqy kezdesýinde álemniń 54-raketkasy nıderlandtyq Tallon Grıkspýrdi tize búktirip, jankúıerlerdiń qoshemetine bólengen Qazaqstannyń birinshi, álemniń 43-raketkasy Aleksandr Býblık ekinshi aınalymda jeńilip qaldy. Jerlesimiz ekinshi kezeńde álemniń 10-shy, osy jarystyń 7-raketkasy polshalyq Hýbert Hýrkachpen sheberlik baıqasyp, eki sette 6:4, 6:7 esebimen qarsylasyna jol berdi. Osylaısha, Býblık shırek fınalǵa jetpeı jarys jolynan shyǵyp qaldy. Ol ekinshi aınalymda Polsha tennısshisine qarsy eshqandaı aıla-tásil qoldana almady. Sóıtip, óz jerimizde alǵash ret uıymdastyrylyp jatqan Astana Open ATP 500 týrnırinde birde-bir qazaqstandyq tennısshi qalmady. Jarys endi sheteldik tennısshilerdiń ónerimen jalǵasady.

Elordadaǵy týrnırge deıin Izraıl­­diń Tel-Avıv qalasynda ótken Tel Aviv Watergen Open doda­syna qa­tys­­qan Novak Djokovıch karera­syn­daǵy 89-shy jeńisine qol jetkizdi. Fınalda ol 2014 jylǵy AQSh ashyq birinshiliginiń jeńimpazy horvatııalyq Marın Chılıchti eki sette – 6:3, 6:4 ese­­bimen utqan bolatyn. Jeńimpaz Djo­kovıch elordaǵa da tek jeńis úshin kel­geni belgili. Qazaqstan tennıs fede­­rasııasynyń prezıdenti Bolat О́te­muratovtyń arnaıy shaqyrýymen kelgen serbııalyq sańlaq alǵashqy aına­lymda álemdik reıtıngte 81-orynda turǵan Krıstıan Garınmen sheberlik baıqasyp, bir saǵatqa jalǵasqan match­ta qarsylasyn eki sette tize búktirdi – 6:1, 6:1. Ekinshi aınalymda serbııalyq tennısshi Nıderland ókili Botık van de Zandshýlppen shırek fınaldyń joldamasyn sarapqa saldy.

Al horvatııalyq Marın Chılıch úshin Astanadaǵy týrnır sátti bastalǵanymen, jarystyń ekinshi kezeńinen árige asa almady. Reseılik Karen Hachanovpen oınaǵan ol birinshi sette 6:2 esebimen basym túskenimen, qalǵan eki partııada qarsylasy myqtylyq tanytty – 3:6, 3:6. Sondaı-aq týrnırdiń birinshi aınalymynda álemniń birinshi raketkasy ıspanııalyq Karlos Alkarasty jeńip, kishigirim sensasııa jasaǵan belgııalyq Davıd Goffen (66) ekinshi kezeńde fransııalyq Adrıan Mannarınodan (51) jeńilip qaldy – 6:3, 1:6, 5:7.

Ispanııalyq Roberto Baýtısta-Agýt (21) pen grekııalyq Stefanos Sısıpas (6) shırek fınalǵa joldama aldy. Baýtısta-Agýt ekinshi kezeńde reseılik Pavel Kotovty eki sette – 6:1, 7:6 esebi­men utsa, Sısıpas ıtalııalyq Lıýka Nardıden (152) basym tústi – 7:6, 7:6.

Osylaısha, Astana Open týrnıriniń shırek fınalyna Adrıan Mannarıno (Fransııa), Andreı Rýblıov (Reseı), Stefanos Sısıpas (Grekııa), Karen Hachanov (Reseı), Roberto Baýtısta-Agýt (Ispanııa), Hýbert Hýrkach (Polsha) sekildi tennısshiler shyqty.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar