Habarlamada aıtylǵandaı, QR Prezıdentiniń Is Basqarýshysy Aıbek Dadebaev qazaqtyń ulttyq ıt tuqymdaryn saqtaý jáne qalpyna keltirý máseleleri boıynsha keńes ótkizdi.
Kezdesýde memlekettik organdardyń ókilderi bir aı ishinde atqarylǵan jumystar týraly esep berip, josparlanǵan is-sharalar týraly aıtyp berdi. Saraptamalyq qoǵamdastyqpen (onyń ishinde kınologtarmen, ǵalymdarmen) talqylaýlardy eskere otyryp, tazy men tóbetti saqtaý jáne qalpyna keltirý máseleleri týraly jeke zań ázirleý týraly sheshim qabyldanǵany atap ótildi.
Osyǵan baılanysty, keńes qorytyndysy boıynsha QR Ekologııa, geologııa jáne tabıǵı resýrstar mınıstrligine (Ulttyq ıt tuqymdaryn saqtaý jáne qalpyna keltirý máseleleri jónindegi ýákiletti memlekettik organ retinde) basqa múddeli memlekettik organdarmen birlesip QR PIB Parlamentarızm Instıtýtynyń usynystary negizinde ázirlengen zań jobasynyń túpkilikti nusqasyn engizý tapsyryldy.
