Memleket basshysy bıylǵy Joldaýynda qoǵamdyq keńester qyzmetin qaıta formattaýǵa qatysty quzyrly organdarǵa naqty tapsyrma berdi. Osy oraıda Aqparat jáne qoǵamdyq damý mınıstrligi tıisti jumystar júrgizip, qajetti sharalar qabyldap jatqanyn aıtady. Búginde elimizdegi qoǵamdyq keńesterdiń quramynda 4 myńǵa jýyq adam bar.
«Qoǵamdyq keńes – memlekettik organdar qyzmetiniń ashyqtyǵyn qamtamasyz etýge baǵyttalǵan azamattyq qoǵam ınstıtýttarynyń biri. «Qoǵamdyq keńester týraly» Zańǵa sáıkes konsýltatıvtik-keńesshi organdar quqyqtyq mártebege ıe jáne óz qyzmetin táýelsizdik, derbestik, avtonomdy jáne jarııalylyq qaǵıdattaryna saı júzege asyrady. Búgingi tańda Qazaqstanda 256 qoǵamdyq keńes óz qyzmetin respýblıkalyq jáne jergilikti deńgeıde atqaryp keledi. Sondaı-aq qoǵamdyq keńesterdi kvazımemlekettik uıymdar qurady. Qazir qoǵamdyq keńesterdiń quramyna 4 myńǵa jýyq adam tartylǵan, onyń 86 paıyzy azamattyq qoǵam ókili», dedi Azamattyq qoǵam isteri komıtetiniń tóraǵasy Madııar Qojahmet.
Osy jyldyń 9 aıynda qoǵamdyq keńesterdiń jańartylǵan quramy 1 020 otyrys ótkizip, birqatar usynys jasaǵan. «О́z ókilettikterin iske asyrý sheńberinde barlyq deńgeıdegi qoǵamdyq keńester azamattardyń quqyqtaryna, bostandyqtary men mindetterine qatysty 3 myńǵa jýyq normatıvtik-quqyqtyq aktilerdiń jobalaryn qarap, sheshimderin jarııalady. Aýyz sýmen jabdyqtaý, sanıtarlyq-epıdemıologııalyq jaǵdaıdy jaqsartý, memlekettik qyzmet kórsetý sapasy jáne t.b. máseleler boıynsha 300-den astam qoǵamdyq tyńdaý uıymdastyryldy. Respýblıkalyq jáne jergilikti memlekettik organdardyń 500-ge jýyq basshysynyń esepteri tyńdaldy», dedi komıtet tóraǵasy.
«Qoǵamdyq keńesterdiń róli zor, ásirese bul qurylymnyń bıýdjet júıesin retke keltirip, qarjyny belgilengen maqsatta jumsalýyna tıgizer paıdasy kóp. О́kinishke qaraı, keıbir mınıstr, ákimder olardyń qyzmetin durys baǵalaı bilmeıdi», deıdi Eurasian Expert Council qoǵamdyq qorynyń prezıdenti, Memlekettik qyzmet isteri boıynsha qoǵamdyq keńestiń múshesi Shyńǵys Lepsibaev. Onyń aıtýynsha, qoǵamdyq keńesterdiń aralasýymen birqatar óńirde turǵyn-úı kommýnaldyq sharýashylyq bólimderiniń jumysy retke keltirilgen. «Oǵan Qaraǵandy qalasy ákimdiginiń atalǵan bólimi mysal bola alady. Sondaı-aq Temirtaý qalasynda qoǵamdyq keńes músheleri jańa mektep salý jumysyna aralasyp, bıýdjetten bólingen qarjyny sol maqsatqa ǵana jumsalýyn qamtamasyz etip, nysannyń smetalyq qujatynda kórsetilgen barlyq talap-erejelerge saı bolýyn qadaǵalady», dedi spıker.
Memleket basshysynyń Joldaýyn iske asyrý jáne ınstıtýttyń qyzmetin jetildirý maqsatynda 14 qazanda elordada qoǵamdyq keńesterdiń respýblıkalyq májilisi ótedi. Is-sharaǵa barlyq óńirlerden 250 adam qatysady dep josparlanyp otyr. «Plenarlyq sessııa barysynda «birinshi jáne ekinshi shaqyrylym» qyzmetiniń qorytyndylary, qoǵamdyq keńes músheleriniń baqylaý qyzmeti, sondaı-aq qoǵamdyq keńesterdiń qyzmeti týraly baıandamanyń jobasy talqylanady. Sondaı-aq túrli paneldik sessııalar ótedi. Májilis qorytyndysy boıynsha qoǵamdyq keńester ınstıtýtynyń qyzmetin odan ári jetildirý boıynsha usynymdar ázirlenedi», dedi M.Qojahmet.
