Oqý-aǵartý mınıstriniń buıryǵymen Nasymjan Jambekqyzy Ospanova QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy bolyp taǵaıyndaldy.
Nasymjan Ospanova 1969 jyly Almaty oblysynda dúnıege kelgen.
Jambyl jeńil jáne tamaq ónerkásibi tehnıkalyq ınstıtýtynyń Almaty fılıalyn, Almaty menedjment ýnıversıtetin támámdaǵan.
Eńbek jolyn 1991 jyly №18 Almaty kásiptik-tehnıkalyq ýchılıshesinde óndiristik oqytý sheberi bolyp bastaǵan. 1992 jyldan 2006 jylǵa deıin sol oqý ornynda oqytýshy, dırektordyń oqý-óndiristik jumys jónindegi orynbasary jáne dırektor bolyp jumys istedi. 2006-2008 jyldary Almaty tehnologııa jáne menedjment kolledjiniń dırektory, 2008-2016 jyldary Almaty Týrızm jáne qonaqjaılylyq ındýstrııasy kolledjiniń dırektory, 2017 jyly QR Bilim jáne ǵylym mınıstrliginiń Tehnıkalyq jáne kásiptik bilim departamenti dırektorynyń m.a. boldy.
2017 jyldyń sáýir aıynan bastap qazirgi ýaqytqa deıin QR Bilim jáne ǵylym mınıstrliginiń Tehnıkalyq jáne kásiptik bilim departamentiniń dırektory bolyp jumys istedi.
