«Búgingi sapar dıplomatııalyq qarym-qatynastyń 30 jyldyǵyna oraılastyrylyp otyr. Onyń úlken sımvoldyq máni bar. Osy kezeńde eki el arasynda tyǵyz saıası dıalog, ózara qurmet pen senimge negizdelgen baýyrlastyq qarym-qatynas ornady. Mártebeli meımannyń bul sapary da ekijaqty yntymaqtastyqty nyǵaıtyp, jemisti de tabysty bolady dep senemiz. Búgingi kelissózder qazaq-túrik baılanystaryn nyǵaıta túsetini sózsiz», dedi Qasym-Jomart Toqaev Qazaqstan men Túrkııa arasyndaǵy Joǵary deńgeıdegi strategııalyq yntymaqtastyq keńesiniń otyrysynda.
Qazaqstan Respýblıkasynyń Prezıdenti Túrkııa Qazaqstannyń eń jaqyn jáne senimdi seriktesteriniń biri ekenin erekshe atap ótti.
«Bizdiń elderimizdiń ata tegi, tili, rýhanı qundylyqtary ortaq. Túrik memleketiniń respýblıkalyq damý jolyn tańdaǵanyna ǵasyrǵa jýyq ýaqyt ótti. Osyǵan oraı, sizdi jáne baýyrlas túrik halqyn tarıhı beleske jetýińizben shyn júrekten quttyqtaımyn. Elderińiz bul beleske úlken jetistiktermen qadam basyp keledi. Búginde Túrkııa saıası jáne áleýmettik-ekonomıkalyq damý jolynda úlken qadamdar jasady. Aımaqtyq jáne jahandyq máseleler boıynsha belsendi jáne tabandy saıasatty ustanady. Sonyń arqasynda Túrkııa álemdik saıasatta bedeli joǵary memleket bolyp qala beredi. Rejep baı, elińizdiń bıik belesterdi baǵyndyrýyna tilektespin! Siz eki memleket arasyndaǵy yntymaqtastyqty keńeıtýge zor úles qosatynyńyzǵa senimdimin», dep túıindedi sózin Memleket basshysy.
