Jobanyń iske asyrylý barysy týraly qalanyń Turǵyn úı jáne turǵyn úı ınspeksııasy basqarmasynyń buzý bóliminiń basshysy Tólegen Ahmetov onlaın-brıfıngte aıtyp berdi.
«Birinshi kezeń 2013-2017 jyldar aralyǵynda ótti, onyń barysynda 228 apatty úı buzylyp, 3400-den astam otbasy jańa abattandyrylǵan turǵyn úı aldy. 2018 jyldan 2022 jylǵa deıingi kezeńge eseptelgen ekinshi kezeńdi iske asyrý sheńberinde 56 apatty úıdiń turǵyndaryn 1082 páterge kóshirý josparlanǵan», dedi spıker.
Máselen, 2018 jyly 86 páter, 2019 jyly – 197 páter, 2020 jyly – 209 páter, 2021 jyly – 257 páter turǵyndaryn kóshirý júzege asyryldy.
Apatty úılerdiń turǵyndary Abylaıhan dańǵyly men Qarasaı batyr kóshesi boıyndaǵy az qabatty turǵyn úı keshenine kóshirildi. Qazirgi ýaqytta olardy fızıkalyq buzý jumystary júrgizilip jatyr. 2018-2021 jyldary barlyǵy 749 páterlik 38 úıdiń turǵyndary qonys aýdardy.
2022 jylǵa 333 páterlik 18 apatty úıdi kóshirý josparlanǵan.
«Qala aýdandary ákimderiniń apparattarymen birlesip buzý jospary – úshinshi kezeń – 2023-2027 jyldarǵa arnalǵan. 903 páterge 59 úı qosyldy», dedi Tólegen Ahmetov.
Esterińizge sala keteıik, Memleket basshysynyń tapsyrmasy boıynsha turǵyn úı jaǵdaılaryn jaqsartý úshin turǵyn úı keshenderin jóndeý, lıftterdi aýystyrý, jeńildetilgen áleýmettik turǵyn úı salý, uzaqqa sozylǵan qurylystardy aıaqtaý boıynsha jumystar júrgizilip jatyr.
