«Biz kúsh-jigerimizdi árqashan adamdar úshin paıdalanýymyz kerek. Ekonomıkalyq sharalardy adamı ólshemge, adam resýrstaryn únemdeýge jáne damytýǵa baǵyttalǵan jaǵdaıda ǵana tıimdi dep sanaýǵa bolady.
Bıylǵy shildede Astanada Jastar keńesiniń otyrysyn sátti ótkizý osy baǵyttaǵy ózara is-qımyl úshin úlken perspektıvalar baryn kórsetti. Osyǵan baılanysty 2024 jyly Astanada Jastar keńesiniń qoldaýymen AО́SShK elderiniń eriktiler qozǵalysy kóshbasshylarynyń sletin ótkizýdi usynamyn», dedi Qasym-Jomart Toqaev.
Sondaı-aq Prezıdent AО́SShK-ge múshe memleketterdiń jetekshi ýnıversıtetteriniń seriktestik jelisin qurý úlken perspektıvalarǵa jol ashatynyn aıtty.
«Osy jeli arqyly IT, nanotehnologııa jáne jańartylatyn energııa kózderindegi ázirlemelermen almasýǵa bolady», dedi Memleket basshysy.
