Túrik kóshbasshysy Ýkraınadaǵy «qantógisti» dereý toqtatý maqsatynda ońtaıly dıalogty jalǵastyrýǵa shaqyrdy.
«Túrkııa uzaq ýaqyt boıy BUU usynǵan reformalardyń mańyzdylyǵyna nazar aýdaryp keledi. Biraq dál qazir álemniń barlyq elderi, barsha adamzat ortaq taǵdyrdy bólisip otyr. Pandemııa bul faktini taǵy da rastady», dedi túrik basshysy.
Túrkııa prezıdenti terrorıstik uıymdardy qoldaýdyń kez kelgen áreketterine qarsy kúrestiń mańyzdylyǵyn atap ótip, qaýipsizdik salasyndaǵy syn-qaterlerge de nazar aýdardy.
Túrik memleketiniń basshysy Aýǵanstandaǵy jaǵdaıǵa toqtalyp, álemdik qaýymdastyqty «aýǵan halqyn qıyn-qystaý ýaqytta jalǵyz qaldyrmaýǵa» shaqyrdy.
Túrik kóshbasshysy Ankara aýǵan halqyna qoldan kelgenshe kómek kórsetip jatqanyn atap ótti.
«Qazirgi Túrkııa - JIО́-ge bólinetin gýmanıtarlyq kómek kólemi boıynsha álemdik kóshbasshy bolyp sanalady. Bul kórsetkish qazirdiń ózinde 5,6 mlrd dollarǵa jetti», dedi Erdoǵan.
Ol Túrkııa aýmaǵynda turyp jatqan bosqyndar men mıgranttardyń sany tórt mıllıonnan asqanyn da tilge tıek etti.
Jıyn barysynda Rejep Taııp Erdoǵan memleketterdiń ekonomıkalyq ózara is-qımyly taqyrybyna da toqtaldy.
«Ankara kólik dálizderin damytýdy, Azııany Eýropamen baılanystyratyn zamanaýı Jibek jolyn qalyptastyrýdy jaqtaıdy», dep atap ótti túrik kóshbasshysy.
