Elimizde ınnovasııalyq belsendi kásiporyndar úlesi bes jylda eki esege artty

ASTANA. 22 mamyr. 2009 jyldan beri eseptegende elimizde ınnovasııalyq belsendi kásiporyndar úlesi eki esege kóbeıgen. Úkimet basshysynyń orynbasary, Indýstrııa jáne jańa tehnologııalar mınıstri Áset Isekeshev VII Astana ekonomıkalyq forýmy aıasynda uıymdastyrylǵan ınnovasııalyq kongreste osylaı dedi. Bul týraly primeminister.kz habarlady. Áset Isekeshevtiń aıtýynsha, ınnovasııalyq belsendi kásiporyndar úlesi 2009 jyldan bastap 4 paıyzdan 8 paıyzǵa deıin artqan. Áset Isekeshev: «Údemeli ındýstrıaldyq-ınnovasııalyq damý baǵdarlamasynyń birinshi besjyldyǵynda tıisti reformalar júrgizildi, ındýstrıaldyq-ınnovasııalyq qyzmetti qoldaý tetikteri jasaldy», – dedi. Endi, Úkimet aldynda ekinshi besjyldyqtyń negizgi talaby – óńdeýshi ónerkásipti6 ınnovasııalyq sektorlardy damytý úshin negizder qurý mindeti tur. Sondaı-aq,  ekinshi besjyldyq baǵdarlamasy boıynsha tehnologııalyq quzyretterdi joǵarylatý jáne ınnovasııalarǵa suranysty yntalandyrý isi qolǵa alynýy tıis. Joldybaı Bazar. Derekkóz: primeminister.kz. Foto: gazeta.kz.