«Eń aldymen, Qazaqstannyń TMD uıymyna tóraǵalyǵy aıasyndaǵy bastamalaryna qoldaý bildirip, osy kúnderi Astanada ótip jatqan halyqaralyq is-sharalarǵa belsendi qatysqandaryńyz úshin alǵys aıtamyn. Búgingi otyrysqa Keńes múshesi retinde Túrikmenstan Prezıdenti, qurmetti Serdar Gýrbangýlyuly Berdimuhamedov alǵash ret qatysyp otyr. Osy jerdegi áriptesterdiń jáne ózimniń atymnan Sizge qosh keldińiz deı otyryp, jaýapty memlekettik qyzmetińizge tabys tileımin. Táýelsiz Memleketter Dostastyǵyna qatysýshy memleketter basshylary keńesiniń kezekti otyrysyn ashyq dep jarııalaımyn. Búgin Memleketter basshylary keńesiniń qaraýyna gýmanıtarlyq seriktestikke, qaýipsizdikke jáne yntymaqtastyǵymyzdyń basqa da aspektilerine qatysty mańyzdy máseleler usynylyp otyr», dedi Memleket basshysy.
Prezıdent Dostastyqqa múshe elderdiń basshylaryn Qazaqstan byltyr seriktestermen jáne TMD Atqarýshy komıtetimen birge atqarǵan kópjosparly jumystyń negizgi qorytyndylary týraly habardar etti. Memleket basshysynyń aıtýynsha, Qazaqstan óz tóraǵalyǵynyń basymdyqtaryna sáıkes, qazirgi álemdik damý prosesterin eskere otyryp, múshe memleketterdiń kúsh-jigerin kóptegen baǵyttar boıynsha biriktirýge umtyldy.
«Birlesken jumystyń nátıjesinde saýda-ekonomıkalyq yntymaqtastyqty keńeıtýge, tyǵyz mádenı-gýmanıtarlyq baılanystarymyzdy saqtaýǵa, sondaı-aq Dostastyqtyń áleýeti men halyqaralyq bedelin arttyrýǵa baǵyttalǵan birqatar mańyzdy bastamalar iske asyryldy. Kúrdeli ekonomıkalyq jaǵdaıda Dostastyqtyń ekonomıkalyq áleýetin nyǵaıtýǵa jáne TMD-nyń 2030 jylǵa deıingi Ekonomıkalyq damý strategııasynyń erejelerin oryndaýǵa erekshe nazar aýdaryldy. Is-sharalar josparynyń birinshi kezeńin tabysty júzege asyrý iskerlik belsendilikti arttyrýǵa, ózara saýda kólemin ulǵaıtýǵa, ekonomıkany pandemııadan keıin qalpyna keltirý isin jedeldetýge múmkindik berdi. Jahandyq jáne óńirlik ekonomıkanyń turaqsyzdyǵy jaǵdaıynda biz tyǵyz saýda-ekonomıkalyq baılanystardy saqtaý úshin qolda bar barlyq áleýetti jumyldyrýymyz qajet», dedi Qasym-Jomart Toqaev.
Prezıdenttiń pikirinshe, klımat máselesi ózekti bolyp otyr. Memleket basshysy klımattyń ózgerýi TMD-nyń barlyq derlik elderinde sý resýrstarymen qamtamasyz etý problemasyn shıelenistire túsetinin atap ótti.
«Biz bul máselemen túrli halyqaralyq format aıasynda aınalysyp, ekijaqty negizde ózara tıimdi sheshimderdi qarastyramyz. Sonymen birge Dostastyqtyń búkil keńistiginde sý qaýipsizdigin qamtamasyz etýdiń ortaq ádisterin ázirleıtin ýaqyt keldi. TMD Atqarýshy komıtetine transshekaralyq sý resýrstaryn ózara tıimdi paıdalaný jóninde naqty usynymdar berýdi usynamyn», dedi Qasym-Jomart Toqaev.
Otyrys barysynda sondaı-aq Ázerbaıjan Prezıdenti Ilham Álıev, Armenııa Premer-mınıstri Nıkol Pashınıan, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, Reseı Prezıdenti Vladımır Pýtın, Tájikstan Prezıdenti Emomolı Rahmon, Túrikmenstan Prezıdenti Serdar Berdimuhamedov jáne О́zbekstan Prezıdenti Shavkat Mırzııoev sóz sóıledi.
