«Qujattarǵa qol qoıý rásimi aıaqtalǵandyqtan, bizdiń otyrysymyz nátıjeli boldy dep málimdeýge tolyq negiz bar. Ásirese qujattardy qabyldaýdan basqa, delegasııa basshylary TMD sheńberindegi kópjosparly ózara is-qımyldyń keń aýqymy boıynsha, sondaı-aq halyqaralyq kún tártibi boıynsha óte paıdaly pikirtalas ótkizdi dep oılaımyn», dedi Qasym-Jomart Toqaev.
Prezıdent otyrys sheńberinde zerdelengen máseleler TMD keńistigindegi yntymaqtastyqty odan ári damytýǵa jáne jetildirýge qyzmet etetinine senim bildirdi.
«TMD Atqarý komıtetiniń qyzmetkerlerine, bizdiń sarapshylarǵa, memleket basshylary keńesiniń otyrysyn daıyndaýǵa jáne ótkizýge tikeleı qatysqan TMD-nyń barlyq organdaryna birlesken jumysy úshin alǵysymdy bildiremin. Memleket basshylary keńesiniń otyrysy jabyq dep jarııalaımyn», dep qorytyndylady Memleket basshysy.
