Qazaqstan men Nıderland arasyndaǵy dıplomatııalyq qarym-qatynastyń 30 jyldyq mereıtoıyna oraı eki eldiń elshileri Botanıkalyq baqqa 15 túp qaraǵaı ekti. Aksııaǵa tek qana dıplomattar emes, bıznesmender, sonymen qatar, Nıderlandtyń Aýyl sharýashylyǵy, tabıǵat jáne azyq-túlik sapasy mınıstrliginiń arnaıy ókili Frederık Vossenaar men «Kazakh Invest» AQ ókilderi qatysty.
«Biz bul mereıtoıdy erekshe atap ótkimiz keldi, sondyqtan, aǵash egip, ekologııalyq aksııa ótkizdik. Nıderland elimen aradaǵy dostyqty joǵary baǵalaımyz jáne jyldar ótken saıyn bul dostyq odan saıyn nyǵaıyp, jemisti bola túsedi degen úmittemiz», dep atap ótti A. Jumaǵalıev.
О́z kezeginde, Qazaqstandaǵy Nıderland Elshisi Andre Karstens «eki el arasyndaǵy jyly qarym-qatynas uzaqqa sozyla beredi» degen úmitin jetkizdi.
«Biz dostyǵymyzdyń qurmetine oraı aǵash ektik. 2 qarasha kúni dál osy saıabaqta qyzǵaldaq gúliniń eskertkishi ashylady. Bul bizdiń elimizdiń syılyǵy jáne eki el arasyndaǵy máńgi dostyqtyń sımvoly bolmaq», dedi ol.
