Komıtet tóraǵasy bolyp Májilistegi «Amanat» partııasynyń depýtaty Ǵalym Ámireev, al komıtet hatshysy bolyp Astana qalasyndaǵy Petrocouncil ókili Ǵıbrat Sársenov saılandy.
Komıtet quramyna Energetıka, Indýstrııa jáne ınfraqurylymdyq damý, Ekologııa, geologııa jáne tabıǵı resýrstar mınıstrlikteriniń, «QazMunaıGaz», QazaqGaz ulttyq kompanııalarynyń, PSA JShS, Munaı jáne gaz aqparattyq-taldaý ortalyǵynyń, KazEnergy qaýymdastyǵynyń, Qazaqstan mashına jasaýshylar odaǵynyń, KasService, Argus Media, Energy Monitor, Energy Analytics ókilderi, sondaı-aq bıznes-qaýymdastyqtar, táýelsiz sarapshylar men taldaýshylar kirdi.
Partııa hatshysy Eldar Jumaǵazıev jıyn barysynda komıtettiń negizgi mindeti munaı-gaz salasyndaǵy túıtkildi máselelerdi anyqtaý jáne ony sheshý jolyn ázirleý ekenin atap ótti. Sondaı-aq, komıtettiń basty mindetterine zańnamalyq bazany jetildirýge bastamashylyq etý jáne usynystar engizý, sala ókilderi men olardyń qyzmetkerleriniń quqyǵyn, zańdy múddelerin qorǵaýdy qamtamasyz etý kiredi.
«Komıtet aldynda munaı-gaz salasyn damytý, sonyń ishinde túıtkildi máselelerdi sheshý jóninde aýqymdy mindet tur. Saladaǵy keıbir kompanııalardyń jasyryn monopolııalyq jaǵdaıy, keıbir iri munaı-gaz jobalaryndaǵy jergilikti qamtýdyń az úlesi, dızel otynynyń jyl saıynǵy tapshylyǵy jáne maýsymdyq baǵa ósimi týraly bárimiz bilemiz. «Amanat» partııasynyń alańynda memlekettik organdar, ulttyq kompanııalar, beıindi qaýymdastyqtar jáne naryq ókilderimen birlesip, osy máselelerdi sheshý jolyn qarastyramyz», dedi komıtet tóraǵasy Ǵalym Ámireev.
О́z kezeginde, Qazaqstan munaı-servıs kompanııalary odaǵynyń tóralqa tóraǵasy Rashıd Jaqsylyqov sheshimin kútip turǵan birqatar ózekti máseleni atap ótti.
«Komıtettiń salalyq jáne kásibı quramyn eskere otyryp, birinshiden munaı-gaz salasyn damytý, sonyń ishinde iri munaı-gaz jobalary boıynsha kelisimsharttardy qaıta qaraý jóninde naqty usynystar ázirleýge kirisýimiz kerek. Ekinshiden, otandyq jabdyq óndirisiniń, saladaǵy jergilikti IT-mamandardyń tapshylyǵyn nazarǵa alýǵa tıispiz. Sondaı-aq halyqaralyq kompanııalar elimizde servıstik ortalyqtar ashpaıdy. Sertıfıkattaý ortalyqtary joq», dedi ol.
Otyrys barysynda komıtet músheleri taýarlar men qyzmetterdi satyp alý, salyq jeńildigin usyný, munaı-gaz salasyndaǵy otandyq taýarlar kataloginiń bolmaýy syndy birqatar máseleni kóterdi.
Otyrys qorytyndysy boıynsha komıtet jumysyn zań jobalaý qyzmetine, fıskaldyq preferensııalardy ázirleýge, qoldanystaǵy jáne bolashaq munaı-gaz jobalarynda taýarlardyń, jumys pen kórsetiletin qyzmetterdiń qazaqstandyq úlesin ulǵaıtý jónindegi sharalardy usynýǵa shoǵyrlandyrý týraly sheshim qabyldandy.
