Sóz basynda aıtqanymyzdaı, Chempıondar lıgasynyń toptyq kezeńinde 2015/2016 jyldary elimizdiń komandalary arasynan tek «Astana» ǵana dop tebe aldy. Sol kezde Qazaqstan chempıony retinde irikteý syndy ekinshi kezeńnen bastaǵan Stanımır Stoılov shákirtteri alǵashqy kezdesýin «Marıborǵa» qarsy oınap, túzde 0:1, óz alańynda 3:1 esebimen jeńiske jetken edi. Úshinshi irikteý kezeńinde Fınlıandııanyń HIK komandasymen sheberlik baıqasqan elordalyq ujym syrt alańda 0:0, óz alańynda 4:3 esebimen basym túsip, sheshýshi kezeńge joldama aldy. Al sońǵy pleı-off raýndynda Kıprdiń APOEL qarsy alańǵa shyqqan jerlesterimiz «Astana-Arenada» 1:0, syrt alańda 1:1 oınap, toptyq kezeńge top ete qaldy.
Sol kezde S tobyna túsken astanalyqtar «Atletıko», «Benfıka», «Galatasaraı» komandalarynan óz alańynda jeńilmedi. Syrt alańda «Galatasaraımen» taǵy da teń túsip, alty oıynda tórt upaı jınady. 16,7 mln eýro tabys tapty.
Mine, sodan beri qansha jyl ótse de, qazaqstandyq birde-bir klýb ÝEFA-nyń basty týrnıriniń toptyq kezeńine óte almaı júr. Chempıondar lıgasy túgili, deńgeıi tómen Eýropa lıgasy men ÝEFA Konferensııa lıgasynyń toptyq kezeńine ótý qazaqstandyq klýbtar úshin arman bolyp tur.
Myna paradokske nazar aýdarsaq. Búginde jyldyq bıýdjeti jaǵynan kóshbasshy komandalarymyzdan áldeqaıda tómen Armenııanyń «Karabah», Moldovanyń «Sherıf» komandalary Eýropa lıgasynyń toptyq kezeńine ótip, upaı jınap júr.
A toby
«Reındjers» (Shotlandııa) – «Lıverpýl» (Anglııa) – 1:7 (Erfıld, 17 – Fırmıno, 24, 55, Nýnes, 66, Salah, 76, 80, 81, Ellıot, 87);
«Napolı» (Italııa) – «Aıaks» (Nıderland) – 4:2 (Losano, 4, Raspadorı, 16, Kvarashelııa, 62-pen., Osımen, 89 – Klassen, 49, Bergveın, 83-pen.);
Italııanyń «Napolı» komandasy bıyl uzaqqa baratyn sııaqty. A serııasynda kósh bastap kele jatqan komanda Chempıondar lıgasynyń toptyq saıysyn da sátti ótkizýde. Sársenbiniń keshinde ıtalııalyq ujym «Aıaksty» qabyldap, 4:2 esebimen jeńdi. Osylaısha, olar toptyq básekede soqqan goldarynyń sanyn 17-ge jetkizip, ózindik rekordtaryn ornatty. Jalpy toptaǵy oıyndarda eń kóp gol salǵan komanda – PSJ. Fransýzdar 2017-2018 jylǵy maýsymda qarsylastarynyń qaqpasyna 25 gol toǵytqan. «Napolıdiń» bul rekordty jańartý-jańartpaýy 5-týrda «Reındjerspen» ótetin oıynnan keıin belgili bolady. Odan keıin Italııa klýbyn syrt alańda «Lıverpýlmen» qıyn oıyn kútip tur.
Shotlandııanyń «Reındjersin» erinbegenniń bári utyp jatyr. Osy aptada shotlandyqtar óz alańynda «Lıverpýlden» 1:7 esebimen oısyraı jeńildi. Bul oıynda Muhammed Salah 68-mınýtta alańǵa shyǵyp, aınaldyrǵan bes mınýttyń ishinde het-trık jasady da, Chempıondar lıgasynda eń jyldam het-trık jasaǵan fýtbolshy atandy. Buǵan deıingi rekordty 2011 jyly «Lıon» fýtbolshysy Bafetımbı Gomıs ornatqan. Ol Zagrebtiń «Dınamo» komandasynyń qaqpasyna soqqan úsh golyn 8 mınýtqa «syıdyryp» edi. Endi ony Muhammed Salah taǵy úsh mınýtqa qysqartty.
|
№ |
Komanda |
O |
U |
T |
J |
D-A |
Up |
|
1 |
Napolı |
4 |
4 |
0 |
0 |
17-4 |
12 |
|
2 |
Lıverpýl |
4 |
3 |
0 |
1 |
12-6 |
9 |
|
3 |
Aıaks |
4 |
1 |
0 |
3 |
8-12 |
3 |
|
4 |
Reındjers |
4 |
0 |
0 |
4 |
1-16 |
0 |
V toby
«Baıer» (Germanııa) – «Portý» (Portýgalııa) – 0:3 (Galeno, 6, Taremı, 53, 64-pen);
«Atletıko» (Ispanııa) – «Brıýgge» (Belgııa) – 0:0
Belgııanyń «Brıýgge» klýby óz tarıhynda tuńǵysh ret pleı-off saıysyna joldama aldy. 4-týrda Madrıdtiń «Atletıko» komandasyna qonaqqa barǵan belgııalyq ujym alań ıelerimen 0:0 esebimen teń oınady. Bul teń oıyn «Brıýggege» toptan shyǵýǵa jetkilikti boldy.
Germanııanyń «Baıer» klýby jaqynda bas bapkerlik qyzmetke ıspanııalyq Havı Alonsony taǵaıyndaǵan. Kezinde «Lıverpýl», «Real» komandalarynda jasyndaı jarqyldaǵan Alonso Býndeslıgadaǵy alǵashqy oıynynda «Shalkeni» 4:0 esebimen jeńip, iri utyspen bastaǵan edi. Alaıda Chempıondar lıgasyndaǵy aıaq alysy abyroı ákelmedi. О́z alańynda «Portýmen» jasyl alańǵa shyqqan leverkýzendikter 0:3 esebimen oısyraı jeńildi.
|
№ |
Komanda |
O |
U |
T |
J |
D-A |
Up |
|
1 |
Brıýgge |
4 |
3 |
1 |
0 |
7-0 |
10 |
|
2 |
Portý |
4 |
2 |
0 |
2 |
6-6 |
6 |
|
3 |
Atletıko |
4 |
1 |
1 |
2 |
2-5 |
4 |
|
4 |
Baıer |
4 |
1 |
0 |
3 |
2-6 |
3 |
S toby
«Vıktorııa» (Chehııa) – «Bavarııa» (Germanııa) – 2:4 (Vıkanova, 62, Klıment, 75 – Mane, 10, Mıýller, 14, Goreska, 25, 35);
«Barselona» (Ispanııa) – «Inter» (Italııa) – 3:3 (Dembele, 40, Levandovskı, 82, 90+2 – Barella, 50, Martınes, 63, Gosens, 89);
Mıýnhendik «Bavarııa» kóktemgi maýsymǵa alǵashqylardyń biri bolyp, joldama aldy. 4-týrda olar Chehııanyń «Vıktorııasyn» syrt alańda 4:2 esebimen jeńdi.
Al Katalonııanyń «Barselonasy» bıyl da pleı-off básekesine shyǵa almaı, kóktemgi joryǵyn Eýropa lıgasynda jalǵastyratyn sııaqty. Sársenbi kúni ıspanııalyq klýb «Interdi» qabyldap, sál bolǵanda jeńilip qala jazdady. Oıyn 3:3 esebimen teń aıaqtaldy. Alań ıeleri úshinshi goldy tóreshi qosqan qosymsha mınýtta soqty.
Jeńisten sońǵy mınýttarda aıyrylyp qalǵan «Inter» kelesi týrda «Vıktorııamen» óz alańynda oınaıdy. Osy oıynda mılandyq klýb jeńiske jetetin bolsa, pleı-off básekesiniń joldamasyn jambastaryna basady. Mundaı jaǵdaıda «Barselona» Eýropa lıgasyna at basyn burady.
|
№ |
Komanda |
O |
U |
T |
J |
D-A |
Up |
|
1 |
Bavarııa |
4 |
4 |
0 |
0 |
13-2 |
12 |
|
2 |
Inter |
4 |
2 |
1 |
1 |
6-5 |
7 |
|
3 |
Barselona |
4 |
1 |
1 |
2 |
8-7 |
4 |
|
4 |
Vıktorııa |
4 |
0 |
0 |
4 |
3-16 |
0 |
D toby
«Sportıng» (Portýgalııa) – «Marsel» (Fransııa) – 0:2 (Gendýzı, 20, Sanches, 30);
«Tottenhem» (Anglııa) – «Aıntraht» (Germanııa) – 3:2 (Son Hyn Mın, 19, 36, Keın, 28-pen. – Kamada, 14, Alıdý, 87);
Naǵyz tartys osy topta bolyp jatyr. Dál qazir qaı komandanyń pleı-off básekesine shyǵatynyn dóp basyp aıtý qıyn. Ázirge top bastaýshy – «Tottenhem». Degenmen barlyq másele sońǵy eki týrǵa qarap tur.
|
№ |
Komanda |
O |
U |
T |
J |
D-A |
Up |
|
1 |
Tottenhem |
4 |
2 |
1 |
1 |
5-4 |
7 |
|
2 |
Marsel |
4 |
2 |
0 |
2 |
6-4 |
6 |
|
3 |
Sportıng |
4 |
2 |
0 |
2 |
6-6 |
6 |
|
4 |
Aıntraht |
4 |
1 |
1 |
2 |
3-6 |
4 |
E toby
«Mılan» (Italııa) – «Chelsı» (Anglııa) – 0:2 (Jorjıno, 21, Obameıang, 34);
«Dınamo» (Horvatııa) – «Zalsbýrg» (Aýstrııa) – 1:1 (Lıýbıchı, 40 – Zaıvald, 12);
Londonnyń «Chelsıinen» qatarynan eki ret utylǵan Italııanyń «Mılany» endi qalǵan eki oıynda jeńiske jetpese, pleı-off joldamasynan alystaıdy. Italııa klýby 4-týrda «aqsúıekterdi» qabyldaǵan edi. Oıynyń 18-mınýtynda «Mılan» qorǵaýshysy Fıkaıo Tomorı qyzyl qaǵaz alyp, oıynnan qýyldy. Osydan keıin «Chelsı» jasyl alańda ústemdik quryp, alań ıeleriniń qaqpasyna eki dop soqty. Bir qyzyǵy, londondyq klýb araǵa 19 jyl salyp, Italııa jerinde jeńiske jetti. 2003 jyly olar Rımniń «Lasıosyn» 4:0 esebimen utqan edi. Sodan beri Apenın túbegine jasaǵan joryqtarynyń barlyǵy sátsiz aıaqtalǵan.
|
№ |
Komanda |
O |
U |
T |
J |
D-A |
Up |
|
1 |
Chelsı |
4 |
2 |
1 |
1 |
6-2 |
7 |
|
2 |
Zalsbýrg |
4 |
1 |
3 |
0 |
4-3 |
6 |
|
3 |
Mılan |
4 |
1 |
1 |
2 |
4-7 |
4 |
|
4 |
Dınamo |
4 |
1 |
1 |
2 |
3-5 |
4 |
F toby
«Seltık» (Shotlandııa) – «Leıpsıg» (Germanııa) – 0:2 (Verner, 75, Forsber, 74);
«Shahter» (Ýkraına) – «Real» (Ispanııa) – 1:1 (Zýbkov, 46 – Rıýdıger, 90+5);
Chempıondar lıgasynyń qazirgi jeńimpazy «Real» pleı-off máselesin sheship tastady. 4-týrda «Shahtermen» jasyl alańǵa shyqqan Karlo Anchelottı shákirtteri ýkraındyqtarmen teń tústi. Onyń ózinde esepti oıynnyń sońǵy mınýtynda teńestirdi. «Real» aldaǵy eki oıynda jeńilse de, ekinshi orynnan tómendemeıdi. О́ıtkeni sońǵy 6-týrda «Shahter» men «Leıpsıg» ózara baq synaıdy. Bul oıynda eki komandanyń biri upaı joǵaltatyny sózsiz.
5-týrda «Real» syrt alańda «Leıpsıgpen» oınaıdy. «Seltık» «Shahterdi» qabyldaıdy.
|
№ |
Komanda |
O |
U |
T |
J |
D-A |
Up |
|
1 |
Real |
4 |
3 |
1 |
0 |
8-2 |
10 |
|
2 |
Leıpsıg |
4 |
2 |
0 |
2 |
6-7 |
6 |
|
3 |
Shahter |
4 |
1 |
2 |
1 |
7-5 |
5 |
|
4 |
Seltık |
4 |
0 |
1 |
3 |
2-9 |
1 |
G toby
«Kopengagen» (Danııa) – «Manchester Sıtı» (Anglııa) – 0:0
«Borýssııa-D» (Germanııa) – «Sevılıa» (Ispanııa) – 1:1 (Bellıngem, 35 – Kýassı, 18);
Danııada «Kopengagenmen» oınaǵan «Manchester Sıtı» alań ıeleriniń qaqpa qulypyn buza almady. Oıyn 0:0 esebimen teń aıaqtaldy. Bul oıynda «Manchester Sıtı» bapkeri Hosep Gvardıolla komandanyń surmergeni Erlın Holandty alańǵa shyǵarmady. Teń oıyn «Manchester Sıtıdiń» kelesi aınalymǵa shyǵýyna kedergi bolǵan joq. Qatar ótken oıynda Dortmýndtyń «Borýssııasy» «Sevılıamen» teń tústi – 1:1.
|
№ |
Komanda |
O |
U |
T |
J |
D-A |
Up |
|
1 |
Man. Sıtı |
4 |
3 |
1 |
0 |
11-1 |
10 |
|
2 |
Borýssııa-D |
4 |
2 |
1 |
1 |
9-4 |
7 |
|
3 |
Sevılıa |
4 |
0 |
2 |
2 |
2-9 |
2 |
|
4 |
Kopengagen |
4 |
0 |
2 |
2 |
0-8 |
2 |
N toby
«Makkabı-Haıfa» (Izraıl) – «Iýventýs» (Italııa) – 2:0 (Asılı, 7, 42);
PSJ (Fransııa) – «Benfıka» (Portýgalııa) – 1:1 (Mbappe, 40-pen – Joaý Marıý, 62-pen.);
|
№ |
Komanda |
O |
U |
T |
J |
D-A |
Up |
|
1 |
PSJ |
4 |
2 |
2 |
0 |
7-4 |
8 |
|
2 |
Benfıka |
4 |
2 |
2 |
0 |
6-3 |
8 |
|
3 |
Iýventýs |
4 |
1 |
0 |
3 |
5-7 |
3 |
|
4 |
Makkabı-H |
4 |
1 |
0 |
3 |
4-8 |
3 |
Týrındik «Iýventýstyń» basynan baq taıǵan sııaqty. 4-týrda Izraıldiń Makkabı» komandasynan 0:2 esebimen jeńilgen ıtalııalyq ujym toptan shyǵa almaı qalýy da ǵajap emes. Kelesi týrda «Iýventýs» «Benfıkamen» syrt alańda oınaıdy. Bul matchta teń oıynnyń ózi «Iýventýsty» qutqara almaıdy. Massımılıano Allegrı shákirtterine tek qana jeńis kerek. Biraq jeńgenniń ózinde sońǵy týrda PSJ klýbynan aılasyn asyra almasa, Eýropa lıgasyna jol tartýy múmkin.
«Iýventýstyń» jaǵdaıyn qıyndatyp tastaǵan «Makkabı» Chempıondar lıgasynyń toptyq básekesinde sońǵy ret 2002 jyly jeńiske jetken. Ol kezde ızraıldik komanda «Manchester Iýnaıtedti» 3:0 esebimen utqan.
