Is-sharaǵa Astana ákiminiń orynbasary E. Báıken, «Mádenıet arqyly álem» Halyqaralyq qaýymdastyǵynyń prezıdenti, QR Eńbek sińirgen qaıratkeri, kompozıtor, Rýhanı kelisim kúniniń bastamashysy T. Muhamedjanov, QR Aqparat jáne qoǵamdyq damý mınıstrligi Din isteri komıteti tóraǵasynyń orynbasary B.Bakırov, Konfessııaaralyq jáne órkenıetaralyq dıalogty damytý jónindegi N. Nazarbaev ortalyǵynyń Basqarma Tóraǵasy B.Sársenbaev, Qazaqstan musylmandary dinı basqarmasy tóraǵasynyń orynbasary naıb-múftı E. Ońǵarov, Qazaqstannyń Evangelııalyq-lıýterandyq shirkeýiniń basshysy, arhıepıskop Iý.Novgorodov, Astana shirkeý okrýginiń qyzmetkeri, arhımandrıt S.Karamyshev, Qazaqstan Respýblıkasyndaǵy Apostoldyq Nýnsıatýranyń (Qasıetti Taq Elshiligi Vatıkan) birinshi hatshysy monsenor M. Týtalo jáne basqa da din ókilderi qatysty.
Onlaın formatta Eýrazııa halyqtary Assambleıasynyń Bas hatshysy e.ǵ.d., p. ǵ. d. A. Belıanınov, Federaldy jınalystyń Memlekettik Dýmasynyń depýtaty, p. ǵ. d. S. Smırnova qatysty.
Konferensııaǵa qatysýshylar Qazaqstannyń rýhanı kelisimdi ilgeriletýdegi tájirıbesin jáne álemdik qoǵamdastyq joǵary baǵalaǵan biregeı qazaqstandyq dıalog modelin talqylady.
Konferensııa barysynda Ortalyqtyń Basqarma Tóraǵasy B.Sársenbaev is-shara Táýelsiz Qazaqstan tarıhy úshin aıryqsha mańyzǵa ıe bolǵanyn, konferensııa sheńberinde talqylanatyn máseleler qyrkúıek aıynda ótken Álemdik jáne dástúrli dinder lıderleri Seziniń kún tártibimen úndesetinin atap ótti. «Qazaqstan Respýblıkasynyń Prezıdenti Qasym-Jomart Toqaev 2022 jyldyń 14 qyrkúıeginde Álemdik jáne dástúrli dinder lıderleri VII Seziniń plenarlyq otyrysynyń ashylýynda sóılegen sózinde dılemmany naqty atap ótti.
«Búgingi qıyndyqtarmen kúresý úshin biz ne nársege sene alamyz? Tarıh tek bir jaýap beredi: izgi nıet, dıalog jáne yntymaqtastyq. Tabysqa jetýdiń basqa balamalary joq. Qazaqstan árqashan Birikken Ulttar Uıymy Jarǵysynyń kelissózderin jaqtady. Sanksııalar, qaýip jáne kúsh qoldaný eshqashan problemalardy sheshýge ákelmeıdi. Qazirgideı sátterde biz gýmanıtarlyq ıdeıalarǵa qaıta oralýymyz kerek. Bul gýmanıtarlyq ıdeıalardy árqashan dástúrli dinder qorǵaıdy. Adam quqyqtaryn qurmetteý, bir – birin qurmetteý, ózara kómek, ashyqtyq, ádilettilik, teńdik-bul jańa qaýipsizdik júıesiniń tirekteri», dedi ol.
Konferensııany ótkizýdiń ózektiligi týraly aıta kele, Ortalyq basshysy bul sharanyń el úshin mańyzdy mereke - Respýblıka kúni qarsańynda ótetinine toqtaldy.
Sondaı-aq buǵan deıin Qasym-Jomart Toqaev jańa Qazaqstan ıdeıasy aıasyndaǵy negizgi reformalardyń tikeleı jalǵasy bolatyn jáne el damýynyń jańa kezeńin belgileıtin kezekten tys prezıdenttik saılaý kúnin jarııalaǵan bolatyn.
Is-shara barysynda B. Sársenbaev Álemdik jáne dástúrli dinderdiń rýhanı kóshbasshylary, saıasatkerler, halyqaralyq uıymdardyń basshylary qol qoıǵan qorytyndy qujat - VII Sezd deklarasııasynyń negizgi messedjderin qatysýshylarǵa jetkizdi. Deklarasııa negizgi máselelerdi qamtıdy jáne ony halyqaralyq uıymdar men búkil álemdegi saıasatkerler kómek retinde paıdalana alady.
B. Sársenbaev Konfessııaaralyq jáne órkenıetaralyq dıalogty damytý jónindegi N. Nazarbaev ortalyǵy Parlament Senatynyń spıkeri Máýlen Áshimbaev basqaratyn Sezd Hatshylyǵynyń qoldaýymen Álemdik jáne dástúrli dinder lıderleri Sezin damytýdyń 2023 – 2033 jyldarǵa arnalǵan ámbebap jahandyq dinaralyq dıalog alańy retindegi tujyrymdamasyn ázirleýge kiriskenin atap ótti.
