Qyrkúıek aıynda 462 myń kópbalaly otbasy 26,5 mlrd teńgege járdemaqy aldy.
Mundaı járdemaqy tabysyna qaramastan, 4 jáne odan da kóp kámeletke tolmaǵan balalary bar otbasylarǵa nemese 23 jasqa deıingi kúndizgi bólimde oqıtyn stýdentterge tólenedi.
Bul rette tólemder mólsheri balalar sanyna qaraı saralanady. Bıyl olar kelesi mólsherdi quraıdy:
- 4 balaǵa - 50 975 teńge;
- 5 balaǵa - 63 727 teńge;
- 6 balaǵa - 76 479 teńge;
- 7 balaǵa - 89 231 teńge;
- 8 balaǵa - 101 760 teńge;
- 9 balaǵa - 114 480 teńge;
- 10 balaǵa - 127 200 teńge;
- 11 balaǵa - 139 920 teńge;
- 12 balaǵa - 152 640 teńge;
- 13 balaǵa - 165 360 teńge;
- 14 balaǵa - 178 080 teńge;
- 15 balaǵa - 190 800 teńge;
- 16 balaǵa 203 520 teńge jáne odan da kóp. Ár balaǵa 12 720 teńgeden.
Ataýly áleýmettik kómek kórsetýdiń jańa tetikterinde kózdelgen az qamtylǵan jáne kópbalaly otbasylardy qoldaýdyń negizgi úsh baǵyty sheńberinde kópbalaly otbasylar tabystaryn esepke almaı, 2020 jylǵy 1 qańtardan bastap memlekettik járdemaqy alady.
