Finprom.kz
Elektrondyq úkimetti damytý reıtıngine 193 memleket engen. Ol tizimde Qazaqstan 28-orynǵa taban tiredi.
Alǵashqy ondyqqa Danııa, Fınlıandııa, Koreıa, Jańa Zelandııa, Islandııa, Shvesııa, Avstralııa, Estonııa, Nıderlandy jáne AQSh sııaqty elder kirdi.
EGDI (E-Government Development Index) Elektrondyq úkimetti damytý ındeksi - onlaın qyzmetterdi usyný, telekommýnıkasııa jáne adam áleýeti sııaqty mańyzdy tarmaqtardan turady.
Sondaı-aq ındeks - ınfraqurylym jáne bilim deńgeıine qoljetimdilik sıpattamalaryn qamtyp, halyqtyń aqparattyq tehnologııalardy qalaı paıdalanatynyn taldaıdy.
EPI (E-Participation Index, EPI) ındeksi, EGDI-di tolyqtyrady. Bul azamattardyń suraýy bar nemese suraýsyz ashyq aqparatqa qoljetimdiligin kórsetedi. Bul ındeks boıynsha Qazaqstan 15-oryndy ıelendi.
Bul kórsetkishterge memlekettik qyzmetti elektrondy formatta alý, mobıldi qosymshalar men onlaın tólemder áser etedi.
Aıta keteıik, 14 qazanda Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın memlekettik qyzmet kórsetý máselesi boıynsha keńes ótkizgen bolatyn, onda memlekettik qyzmetterdi QR arqyly alý máselesi qaralǵan edi.
