Keńes múshelerinen basqa otyrysqa oblystyq máslıhattardyń hatshylary da qatysyp, QR Prezıdenti Qasym-Jomart Toqaevtyń Qazaqstan halqyna Joldaýyn iske asyrý aıasynda jergilikti ózin-ózi basqarýdy damytý máseleleri talqylandy.
Sharaǵa qatysýshylar memlekettiń qoǵamdyq-saıası jańa júıesindegi jergilikti ókildi organdardyń róli, halyqtyń ál-aýqatyn arttyrý, saılaýshylarmen ózara is-qımyldy nyǵaıtý jumystaryn jetildirý týraly pikir almasty.
Máslıhat ókilderi Memleket basshysynyń tapsyrmasy boıynsha júzege asyp jatqan jańa Qazaqstandy qalyptastyrý jáne saıası jańǵyrtý baǵytyna biraýyzdan qoldaý bildirdi.
Jergilikti ókildi organdardyń aǵymdaǵy qyzmetine baǵa berildi, sondaı-aq olardyń halyqpen baılanysyn odan ári nyǵaıtý, elimizde júrgizilip jatqan ózgeristerdiń máni men maqsatyn árbir qazaqstandyqqa jetkizý jóninde syndarly usynystar engizildi.
«Qazaqstan máslıhattary depýtattarynyń birlestigi» RQB tóraǵasy Tóleýbek Muqashev jergilikti ókildi organdar aldaǵy prezıdent saılaýynda Memleket basshysyn usyný jónindegi halyqtyq koalısııanyń mańyzdy ári belsendi bóligi bola otyryp, eldegi reformalardy ilgeriletýge eleýli úles qosýy tıis ekenin atap ótti.
