Bul ólkeniń topyraǵy óte qunarly. Ásirelep aıtqanda, jetek shanshysań, arba ósip shyǵady. Aýyl sharýashylyǵy qurylymdary da aqyq dán aıalap, aqtyly mal ósirip, berekege kenelip otyr. Mal súmesimen kún kórip kelgen aýyldaǵy aǵaıyn tórt túliktiń jaıylymyna qajetti jerdiń tarlyǵyn aıtyp, san márte qulaqqaǵys etken. Jalǵyz jaıylym ǵana emes, maldyń qysqy azyǵyn daıarlaý úshin shabyndyq jer qajet. Qunarly alqapqa mal azyǵyn ekse, túligi keminde alty aı qolǵa qaraıtyn óńirdegi mal sharýashylyǵyn damytýǵa keń jol ashylmaq.
Týsyrap bos jatqan jerlerdi ıelengen seriktestikter men sharýa qojalyqtarynyń tıisinshe mal baǵyp, egin egip jatqandyǵyn monıtorıng júrgizý arqyly anyqtaǵan. Nátıjesinde, qadaǵalaý aktilerimen qosa, tıisti sharalar qoldaný úshin aýdan ákiminiń nazaryna joldanǵan. Osyndaı aktilerdiń biri boıynsha júrgizilgen túsindirý jumystarynan keıin aýyl turǵyndarynyń qajettiligin qanaǵattandyryp, kómek kórsetý maqsatynda «Shortanbaı-2020» jaýapkershiligi shekteýli seriktestigi erikti túrde buryn paıdalanylmaı jatqan 19 myń gektar jerin memleketke qaıtaryp berdi.
О́te durys sheshim. Áıteýir kádege asyra almaǵannan keıin jomart jerdiń ıgiligin el kórgeni jón emes pe?! Qaıtarylǵan aýyl sharýashylyǵy jeri aldaǵy ýaqytta qarapaıym halyqtyń qajettiligi úshin qaıta bólinetindigin estip qýanyp qaldyq. Tabıǵaty tamyljyǵan bul aımaqta 19 myń gektar jerdi ıgerý arqyly qanshama halyqtyń áleýmettik-turmystyq jaǵdaıyn jaqsartýǵa bolady. Osy bir oń mysaldy aıta otyryp, ózge de ne ózine, ne jurtqa paıdasy tımeı jatqan jerdi baýyryna basyp otyrǵandardyń nazaryn aýdarǵymyz kelgeni.
Aqmola oblysy,
Atbasar aýdany
