Saılaýaldy shtaby elimizdiń astanasynda «Ańsar» kásipkerlik ortalyǵynda ornalasqan. Búgingi kúni úgit-nasıhat jumystary bastaldy.
«21 qazan kúni saǵat 18:00-de Qazaqstan Respýblıkasynyń Prezıdenttigine kandıdat Meıram Qajykendi qoldaýǵa arnalǵan shtab ashyldy. Prezıdenttikke kandıdattyń saılaýaldy baǵdarlamasy qabyldanyp, úgit-nasıhat baǵdarlamasy bekitildi. Úmitkerdiń ózi Qazaqstannyń barlyq aımaqtaryn aralaýdy josparlap otyr. Kandıdattyń 138 senimdi ókili bar. Elimizdiń 14 óńirinde shtabtar ashyldy, qalǵan aımaqtarda uıymdastyrý jumystary júrgizilýde. Astanada jumys ortalyqtandyrylǵan túrde úılestiriletin bolady», dedi shtab basshysy Ábil Kekilbaev.
Aıta keteıik, Meıram Qajyken «Amanat» Qazaqstan kásipodaqtar dostastyǵy» respýblıkalyq birlestigi atynan Prezıdenttikke kandıdat retinde tirkeldi.
