Qoǵam • 22 Qazan, 2022

Áýe kóligindegi jolaýshylar aǵyny artty

260 ret

kórsetildi

1 mın

oqý úshin

2022 jyldyń 8 aıynda otandyq áýe kompanııalary tasymaldaǵan jolaýshylar sany 6,9 mln adamdy qurady. Atap aıtqanda, olar ishki jelilerde bıylǵy qańtar-tamyz aılary aralyǵynda 4,9 mln adam (2021 jylǵy sáıkes kezeńde – 4,9 mln adam), al halyqaralyq jelilerde 2 mln jolaýshyny (2021 jylǵy sáıkes kezeńde – 1,2 mln adam) tasymaldady.

Egemen Qazaqstan

Máselen, «Air Astana» kompanııasy shamamen 2,7 mln, «FlyArystan» 2,1 mln, al «SCAT» avıakompanııasy 1,8 mln jolaýshy tasymaldaǵan.

Atalǵan kezeńde elimizdiń áýejaılarynda qyzmet kórsetilgen jolaýshylar sany 13,1 mln adamdy qurady. Bul ótken jyldyń sáıkes kezeńimen salystyrǵanda 13 paıyzǵa artyq (2021 jyly – 11,6 mln adam).

Qazirgi ýaqytta ishki avıareısterdi aptasyna 617 reıs jıiligimen 57 baǵyt boıynsha 6 otandyq avıakompanııa oryndaıdy.

Halyqaralyq reıster aptasyna 490 reıs jıiligimen 112 baǵyt boıynsha 28 elde oryndalady. Olardyń qatarynda Túrkııa, BAÁ, О́zbekstan, Grýzııa, Tájikstan, Reseı, Qyrǵyzstan, Belarýs, Germanııa, Mysyr, Ońtústik Koreıa, Nıderland, Polsha, Armenııa, Ulybrıtanııa, Maldıv araldary, Taıland, Ázerbaıjan, Qatar, Kýveıt, Saýd Arabııasy, Mońǵolııa, Úndistan, Iran, Chernogorııa, Grekııa, Italııa, Qytaı memleketteri bar, dep habarlady Indýstrııa jáne ınfraqurylymdyq damý mınıstrliginiń baspasóz qyzmeti.

Infografıkany jasaǵan Amangeldi Qııas, «EQ»