Amerıka Qurama Shtattarynyń prezıdenti Djozef Baıden Qasym-Jomart Toqaev pen Qazaqstan halqyn Respýblıka kúnimen quttyqtap, Ortalyq Azııanyń beıbitshilikke, turaqtylyqqa jáne órkendeýge baǵyttalǵan jolyndaǵy elimizdiń otyz jyldyq kóshbasshylyǵyn erekshe atap ótti.
«Bizdiń qaýipsizdik, energetıka jáne ekonomıka máseleleri jónindegi ekijaqty aýqymdy yntymaqtastyǵymyz, sondaı-aq Qazaqstanda júrgizilip jatqan reformalardy tabandy túrde qoldaıtynymyz qarym-qatynastarymyzdyń bolashaǵyna ınvestısııa salýǵa degen ózara umtylysty jáne onyń ortaq maqsattarǵa jetýdegi áleýetin kórsetedi. Bul ustanym bizdiń keńeıtilgen strategııalyq seriktestigimizge tolyq saı keledi», dep jazylǵan Djo Baıdenniń quttyqtaýynda.
Eýropalyq Keńestiń Prezıdenti Sharl Mıshel 1990 jyldyń qazan aıynda qabyldanǵan Egemendik týraly deklarasııada memlekettilikke, aýmaqtyq tutastyqqa, bólinbeýshilikke jáne shekaranyń myzǵymastyǵyna qatysty negizgi qaǵıdattar bekitilgenin aıtty.
«Deklarasııa 1991 jyly Qazaqstannyń táýelsizdigin jarııalaýǵa jol ashty. Bul deklarasııa búginde barlyq beıbitsúıgish el qorǵaıtyn halyqaralyq tártiptiń irgeli qundylyqtary men qaǵıdattarynyń erejelerine negizdelgen», delingen Sharl Mısheldiń jedelhatynda.
Sonymen qatar О́zbekstan Prezıdenti Shavkat Mırzııoev Memleket basshysyna jáne Qazaqstan halqyna quttyqtaýyn joldap, elimizdiń turaqty damýyna baǵyttalǵan júıeli jáne aýqymdy reformalardyń tıimdi júzege asyrylyp jatqanyn erekshe atap ótti.
«Bizdiń tatý kórshimiz Qazaqstan barlyq salada bıik shyńdardy baǵyndyryp keledi. Sizdiń aımaqtyq jáne jahandyq mańyzy bar bastamalaryńyzdyń halyqaralyq arenada belsendi túrde qoldaý tabýy – elińizdiń álemdik qaýymdastyqta laıyqty bedelge ıe ekeniniń aıqyn dáleli. Birlesken kúsh-jiger men joǵary deńgeıdegi turaqty dıalogtyń arqasynda elderimiz arasyndaǵy tatý kórshilik jáne dostyq qarym-qatynastardyń strategııalyq seriktestik pen odaqtastyq qatynas deńgeıine kóterilgenine óte qýanyshtymyz», dep jazdy О́zbekstan prezıdenti.
Qyrǵyzstan prezıdenti Sadyr Japarov óz quttyqtaýynda Respýblıka kúni merekesin qaıta jańǵyrtý bastamasyn Qasym-Jomart Toqaevtyń júrgizip otyrǵan ınstıtýsıonaldyq reformalar úderisindegi mańyzdy qadam dep baǵalaıdy.
«Sizdiń dana ári progresshil basshylyǵyńyzben bul reformalar qoǵamdyq-saıası jáne áleýmettik-ekonomıkalyq damýǵa túrtki bolyp, dostas Qazaqstandy órkendetýge baǵyttalǵan bıik maqsattarǵa jetýge qyzmet etetinine kámil senemin», dep jazylǵan Sadyr Japarovtyń quttyqtaý hatynda.
Ázerbaıjan prezıdenti Ilham Álıev quttyqtaýynda Ázerbaıjan Qazaqstannyń qarqyndy damýyna, baýyrlas eldiń jetistikteri men tabystaryna tilektes ekenin atap ótti.
«Ázerbaıjan-qazaq qarym-qatynasynyń búgingi joǵary deńgeıi ortaq tarıhymen, moraldi jáne mádenı qundylyqtarymen ózara tyǵyz baılanysty baýyrlas halyqtarymyzdyń erik-jigerin aıqyn kórsetedi. Qazirgi múmkindikterdi paıdalana otyryp, biz elderimiz arasyndaǵy strategııalyq seriktestikke negizdelgen jan-jaqty qarym-qatynastardy nyǵaıtý jolynda birlesken kúsh-jigerdi jalǵastyra beretinimizge senimdimin», delingen quttyqtaý hatta.
Belarýs prezıdenti Aleksandr Lýkashenko Egemendik týraly deklarasııany Qazaqstan úshin mańyzdy oqıǵa ári táýelsizdik alý jolyndaǵy alǵashqy qadam dep atady.
«Qazirgi tańda Sizdiń elińiz beıbit syrtqy saıasat qaǵıdatyn ustanady, ózara túsinistik pen tatý kórshilik qarym-qatynasty nyǵaıtýǵa jan-jaqty atsalysady. Astananyń mazmundy bastamalary halyqaralyq qaýipsizdikti qamtamasyz etýde, adamzat balasyna ortaq jahandyq máselelerdi sheshýde mańyzdy ról atqarady», dep jazdy Aleksandr Lýkashenko.
Sonymen qatar quttyqtaý jedelhattaryn Armenııa prezıdenti Vaagn Hachatýrıan, Armenııa premer-mınıstri Nıkol Pashınıan, Kavkaz musylmandary basqarmasynyń tóraǵasy Sheıh-ýl-ıslam Allashúkir Pashazade joldady.
