Bıylǵy kórsetkish boıynsha ataýly mektepterde 55 myńnan astam oqýshy bilim alýda. Bul san 2021 jylmen salystyrǵanda 3 myńǵa artyq.
IT-mektepter zamanaýı qural-jabdyqtarmen jáne robototehnıka kabınetterimen jabdyqtalǵan. Sondaı-aq oqýshylar úshin sıfrly bilim men daǵdylardy damytýǵa baǵyttalǵan arnaıy bilim berý baǵdarlamalary ázirlengen.
«Oqý-aǵartý mınıstrligi bilim salasyndaǵy sıfrlandyrýǵa úlken kóńil bólip otyr. Bizdiń mektepter elektrondy qyzmetterdi paıdalanady, onlaın olımpıadalar, onlaın jarystar ótkizedi, qujattar elektrondy formatta da qabyldanady. Úsh apta buryn elimizde TMD-ǵa múshe memleketterdiń sezi ótti. Jıynda áriptesterimiz sıfrlandyrý bilim berý úderisterine qalaı engizilip jatqanyn atap ótti. Árıne, biz balalardy sıfrlandyrýǵa úıretýdi qoldaýymyz kerek. Ol úshin IT-mektepterdi keńinen ashýdy qolǵa alyp otyrmyz. IT-mektepterdiń ereksheligi IT-tehnologııalar salasyndaǵy mamandaný, erte profıldeý, robototehnıka men baǵdarlamalaýdy tereńdetip oqytý, 3D modeldeý. Jyl saıyn IT-mektepterdiń sany arta beredi», dedi QR Oqý-aǵartý mınıstrligi Orta bilim komıtetiniń tóraǵasy Gúlmıra Kárimova.
