Bashır SOLSANOV,
«Vaınah» sheshen-ıngýsh etnomádenı birlestiginiń tóraǵasy:
– Respýblıka kúni, Táýelsizdik kúni, Konstıtýsııa kúni el úshin, halyq úshin aıtýly kún ǵana emes, mańyzdy, qymbat, ystyq uǵym bolýy qajet. О́ıtkeni, bul uǵymdar el tutastyǵynyń negizi.
Qazir elimizdegi Qazaqstan halqy Assambleıasy halyqtar dostyǵyna septigin tıgizip, qoǵamdyq pikirlerdi teń quqyly jetkizýge múmkindik beredi. Máselen, bizdiń «Vaınah» sheshen-ıngýsh etnomádenı birlestiginiń ókilderi elimizdiń qoǵamdyq-saıası ómirine belsene aralasyp keledi. Aramyzda qoǵam belsendileri, depýtattar bar. Halyq áleýetin arttyrýǵa óz úlesimizdi qosyp júrmiz. Árıne, bul eń aldymen, Memleket basshysynyń eńbegi, sodan soń birlikke umtylǵan halyqtyń arqasy. Baýyrlastyq, tatý kórshilik jáne ózara túsiniktik bar jerde memleket te damıdy dep aıtar edim.
Iýsýp KELIGOV,
Qazaqstan halqy Assambleıasy Keńesiniń múshesi:
– Respýblıkamyzda bir shańyraq astynda júzden asa etnos ókilderi tatý-tátti ómir súrip jatyr. Bul – bizdiń biregeıligimiz jáne artyqshylyǵymyz. Mádenıetti damytýǵa, laıyqty bilim alýǵa, til úırenýge barshaǵa birdeı teń quqyq pen múmkindik berilgen.
Qazaqstan halqy Assambleıasy rýhanı kelisim men ultaralyq birlikti saqtaýda úlken jumys atqaryp keledi. QHA ókilderi, oblystardaǵy respýblıkalyq jáne shaǵyn assambleıalar, etnomádenı birlestikter rýhanı ustanymdardy nyǵaıtý, ózara qoldaý, bir-birine degen syılastyqty qalyptastyrýda kóptegen is tyndyrdy.
Biz Prezıdentimiz Q.Toqaevtyń Joldaýynda qoıylǵan mindetterdi, jańa Qazaqstandy qurý boıynsha bastamalardy qoldaımyz jáne ony oryndaýǵa atsalysamyz. El birligi memleket bolashaǵynyń tabysty damýynyń birden-bir sara joly. Ultaralyq kelisimdi saqtaý – memlekettik organdardyń ǵana emes, búkil qoǵamnyń, árbir azamattyń mindeti. Elimizdegi turaqtylyq pen órkendeý úshin bárimiz birdeı jaýaptymyz. Qasym-Jomart Toqaev aıtqandaı, «Árqaısymyz birlikti jan-jaqty nyǵaıtyp, ádilettilik qaǵıdattaryn berik ustansaq, biz qýatty da tabysty el bolamyz».
Damır SÝLTANOV,
«Tań» tatar-bashqurt mádenı ortalyǵynyń basshysy:
– Halyq birligi – ózara syılastyqtan, mádenıetti, salt-dástúrdi, ádet-ǵurypty qasterleı bilýden, beıbitshilik pen tynyshtyqty qasterleı bilýden turatyn san qyrly túsinik. Munyń bári óte mańyzdy jáne otbasynan bastaý alady, jeke tulǵanyń qalyptasýy men damýynyń barlyq kezeńderinde tárbıelenedi. Negizi halyq pen eldiń yntymaǵy – birlikte. Halyq birligi, onyń ustanymdary men maqsattary kez kelgen memlekettiń basty kúshi.
Eldiń birligi sııaqty jalpyulttyq qundylyqty biz árbir jastyń boıyna sińire bilýge tıispiz. Eldiń tutastyǵy men birligi, tatýlyǵy men tynyshtyǵy eń basty nazarda bolýy qajet.
Olga ANDRIEVSKAIа,
«Zlata» bolgar etnomádenı ortalyǵynyń basshysy:
– Halyq birligi degen uǵym meniń Otanymmen, úlken otbasy bolyp ómir súrip jatqan Qazaqstanymyzben baılanysty. Memleketimizdiń damý jolynda, Respýblıka kúni tárizdi aıtýly merekelerinde tatýlyqtyń týyn asqaqtatyp, beıbitshiliktiń qanat jaıýyna árqaısymyz óz úlesimizdi qosyp kelemiz. Bir dastarqan basynda jınalyp, ortaq án aıtamyz, salt-dástúrimiz ben ádet-ǵurpymyz týraly áńgimeleımiz, ana tilimiz ártúrli bolǵanymen, bir-birimizdi tereń túsinemiz. О́ıtkeni eń basty til – dostyq pen birlik tili.
Kópultty el bolýymyz – bizdiń baılyǵymyz, maqtanyshymyz. Al Assambleıa bolsa – birlik pen kelisimniń kıeli besigi, tutastyq pen turaqtylyqtyń qutty shańyraǵy. Ultaralyq tatýlyq pen kelisim – qazaqstandyq ulttyq ıdeıanyń basty ózegi. Ulttar arasyndaǵy senim men birlik – ádil álemdik tártiptiń negizi.
Daıyndaǵan
Gúlnar JOLJAN,
«Egemen Qazaqstan»
