Atalǵan aksııa aıasynda áleýmettik az qamtylǵan otbasylar, jalǵyzbasty qarttar, kópbalaly otbasylar jáne erekshe qajettilikteri bar balalar sanatyndaǵy 60 otbasy azyq-túlik sebetin aldy.
Is-sharanyń maqsaty – halyqtyń áleýmettik osal toptaryna kómektesý. Oǵan Qazaqstan halqy Assambleıasynyń elordalyq etnomádenı birlestikteri qatysty.
Qazaqstan Respýblıkasynyń kúrdter «Barbang qaýymdastyǵy» AQB Astana qalalyq fılıaly» qoǵamdyq birlestik tóraǵasy Shamo Fatoev jerlesterine qoldaý kórsetýge daıyn ekenin jetkizdi.
«Búgin biz erkin jáne táýelsiz memlekette ómir súrip jatyrmyz. Barlyq qazaqstandyqtar halyqtar dostyǵy – bizdiń elimizdiń baǵa jetpes baılyǵy ekenin túsinedi. Senimsiz ár túrli ult ókilderi arasynda memlekettiń órkendeýi bolmaıdy, demek qarapaıym adamdardyń baqytty ómiri de bolmaıdy degen sóz. Tek ıgi ister ǵana qoǵamǵa degen kózqarasyn ózgertýge kómektesedi, óıtkeni adamdar bir-birine meıirimdi, óz áreketteri úshin jaýapty bolady», dedi qoǵamdyq birlestik tóraǵasy Shamo Zaarovıch.
Elordalyq Assambleıa jumysynyń mańyzdy baǵyttarynyń biri - qaıyrymdylyqty damytý. Astana qalasynyń «Parasat» qaıyrymdylyq qyzmetin úılestirý ortalyǵy 2019 jyly Dostyq úıiniń janynan áleýmettik saıasatty qoldaý jáne damytý maqsatynda qurylǵan.
Ortalyq kóptegen adamdarǵa kómek kórsetedi, oǵan balalar, qarttar, erekshe qajettilikteri bar adamdar, sondaı-aq halyqtyń áleýmettik osal toptarynan shyqqan azamattar kiredi.
Bıyl Astana qalasynyń Qazaqstan halqy Assambleıasy 25 qaıyrymdylyq is-sharasyn uıymdastyryp, jalpy somasy 38155 mln teńgege 3655-ten astam otbasyna qoldaý kórsetken.
