Baǵdarlamaǵa sáıkes «Qyrǵyz kınosynyń kúnderi», Shyńǵys Aıtmatovty eske alýǵa arnalǵan «Dóńgelek ústel», halyq ártisteriniń, halyq aqyn-jazýshylarynyń, kıno qaıratkerleriniń, ǵylym doktorlarynyń, Qyrǵyzstan men Qazaqstannyń qoǵam qaıratkerleriniń kezdesýi ótýde.
Sonymen qatar 28 qazanda «Manas» eposyna arnalǵan is-shara jáne Nurdın Túgelov atyndaǵy «Aq Maral» memlekettik bı ansambli men Shalaǵyz Isabaev atyndaǵy «Qambarqan» folklorlyq-etnografııalyq ansambliniń konsertteri ótedi.
29 qazanda Qazaqstan Respýblıkasynda Qyrǵyz Respýblıkasynyń Mádenıet kúnderiniń saltanatty jabylýy ótedi, onda Toqtobolot Ábdimomynov atyndaǵy Qyrǵyz Ulttyq akademııalyq drama teatrynyń «Samanchynyn jolý» spektakli kórsetiledi.
Qyrǵyzstannyń Mádenıet kúnderi delegasııasyn Qyrǵyz Respýblıkasynyń Mádenıet, aqparat, sport jáne jastar saıasatynyń mınıstri Altynbek Maqsutov basqarady. Bul mádenı sharaǵa Qyrǵyzstannan 300-den astam adam qatysady.
Olardyń arasynda halyq ártisteri, halyq aqyn-jazýshylary, kıno qaıratkerleri, ǵylym doktorlary jáne KSRO Halyq ártisi Samara Toqtaqunova bastaǵan qoǵam qaıratkerleri jáne ózge de óner ujymdary bar.
Eske salsaq, 2021 jylǵy 2-3 naýryzda Qazaqstan Respýblıkasynyń Prezıdenti Qasym-Jomart Toqaevtyń shaqyrýymen Qyrǵyz Respýblıkasynyń Prezıdenti Sadyr Japarov Qazaqstan Respýblıkasyna memlekettik saparmen kelgen bolatyn. Kelissózder barysynda eki eldiń ekijaqty jáne kópjaqty yntymaqtastyǵynyń ózekti máseleleri talqylanyp, mádenıet kúnderin tepe-teń negizde ótkizý týraly ýaǵdalastyqtarǵa qol jetkizildi.
Tıisinshe, Qazaqstan Respýblıkasynyń Mádenıet kúnderi Qyrǵyzstanda 2021 jylǵy 7-9 qazanda Bishkek qalasynda ótti.
