Aldaǵy beısenbide senatorlar Memleket basshysynyń tapsyrmalaryn iske asyrýdy qamtamasyz etýge arnalǵan birqatar zań jobasyn qaraıdy.
Atap aıtqanda, «Qazaqstan Respýblıkasynyń Konstıtýsııalyq Soty týraly», «Prokýratýra týraly», «Qazaqstan Respýblıkasyndaǵy Adam quqyqtary jónindegi ýákil týraly» jáne «Qazaqstan Respýblıkasynyń keıbir konstıtýsııalyq zańdaryna Memleket basshysynyń 2022 jylǵy 16 naýryzdaǵy Joldaýyn iske asyrý máseleleri boıynsha ózgerister men tolyqtyrýlar engizý týraly» konstıtýsııalyq zańdardyń jobalary Senat otyrysynyń kún tártibine engizildi.
Sonymen qatar Palata depýtattary «Qazaqstan Respýblıkasynyń keıbir zańnamalyq aktilerine Memleket basshysynyń 2022 jylǵy 16 naýryzdaǵy Joldaýyn iske asyrý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobalaryn da qaraıdy.
Odan bólek, Bıýro otyrysynda Májilisten kelip túsken zań jobalary Senattyń turaqty komıtetterine bólinip berildi.
