Tulǵa taǵylymy

Aldymen qonaqtar mektep mura­jaıyndaǵy túrki áleminiń aıtýly tulǵasynyń saıası kóz­qarasynyń qalyp­tasýyna áser etken tarı­hı oqıǵalar men shet­elde emı­gra­sııada júrgen kezeńdegi qoǵamdyq qyzmeti týraly baıandaǵan derektermen tanysty. Odan soń qaıratkerdiń ómiri men saıa­sı joly jáne Túr­kistan, Túr­kııa, Fransııa elde­rin­degi taǵdyry men sonda kór­gen qıyndyqtary týraly jaz­ǵan týyndysynan úzindi tama­shalady.

Is-shara dóńgelek ústel má­jilisi formatynda ótkendik­ten mektep oqýshylary qonaq­tar­men erkin áńgimelesip, olar­ǵa ult kúreskeriniń ómiri men saıa­­sı qyzmeti týraly suraq­ta­ryn qoıyp, tushymdy jaýap aldy.

– Mustafa Shoqaı túrki dúnıesiniń uly tulǵasy sanalady. Onyń dáleli retinde, bıyl Túrkııanyń Mádenıet mınıstrligi «Túrkııanyń 100 uly tulǵasy» arnaıy serııasyn bastady. Osy serııanyń al­ǵashqy tomdyǵyna Mustafa Shoqaı enip otyr. Sonymen qatar Fransııada qaıratkerge eskertkish qoıylyp, saıabaq ashyldy. Sondyqtan biz osyndaı uly tulǵalarymyzdy ulyq­taı bilsek, onyń elimiz úshin de, urpaǵymyz úshin rýhanı paı­dasy zor bolady, – dedi shoqaı­tanýshy ǵalym Ábdýaqap Qara.

Sondaı-aq Nurtóre Júsip, Qazybek Isa, Ábdijálel Bákir jáne taǵy basqa da zııa­ly qaýym ókilderi ardaqty azamattyń qaıratkerligi men kúreskerligi týraly parasatty oı qozǵady. Sodan keıin taǵylymdy shara mektep ujy­my daıyndaǵan ádebı-sazdy keshke ulasyp, onda oqýshylar kórnekti tul­ǵa ómirinen shaǵyn kórinis qoıyp, onyń jary Marııa Shoqaıdyń monologin oqydy. Kesh sońynda atalǵan bilim ordasyna Mustafa Sho­qaı esiminiń berilýine baılanys­ty shyǵarǵan mekteptiń jańa ánurany oryndaldy.