Apat kezinde jer astynda 106 adam bolǵan. Olardyń 101-i dereý evakýasııalandy. Oqıǵa ornynan shyǵa almaǵan bes adam qaza taýyp, taǵy tórteýi zardap shekti.
Qaza tapqan kenshilerdiń tizimi:
1.Boıchenko Dmıtrıı Igorevıch, 1991 jyly týǵan, jerasty burǵylaý qondyrǵysynyń mashınısi. Jumys ótili - 8 jyl. Anasy qaldy.
2. Sanjarov Andreı Pavlovıch, 1980 jyly týǵan, jerasty burǵylaý qondyrǵysynyń mashınısi. Jumys ótili - 21 jyl. Ata-anasy men eki balasy qaldy.
3. Inkın Denıs Anatolevıch, 1984 jyly týǵan, jerasty burǵylaý qondyrǵysynyń mashınısi. Jumys ótili - 13 jyl. Ákesi, jubaıy, qyzy jáne asyraýyndaǵy taǵy bir adam qaldy.
4. Qashkeı Arman Qadyrjanuly, 1993 jyly týǵan, jerasty burǵylaý qondyrǵysynyń mashınısi. Jumys ótili - 8 jyl. Ata-anasy qaldy.
5. Eltibekov Marǵulan Serikuly, 1996 jyly týǵan, burǵylaý qondyrǵysy mashınısiniń kómekshisi. Jumys ótili - eki aı. Ákesi qaldy.
Eske sala ketsek, Búgin túngi saǵat 03:03-te Lenın atyndaǵy shahtada gazdy drenajdy uńǵymalardy burǵylaý kezinde kenetten metan shyǵaryldy.
Polısııa «Taý-ken nemese qurylys jumystaryn júrgizý kezinde qaýipsizdik erejelerin buzý» baby boıynsha tergeýdi bastady.
«ArselorMıttal Temirtaý» AQ Kómir departamentiniń dırektory Arman Qalyqov qaza tapqandar men zardap shekkenderdiń otbasylaryna kómek kórsetiletinin habarlady.
Qazaqstan Prezıdenti Qasym-Jomart Toqaev shahtadaǵy apat saldarynan qaza tapqan qyzmetkerlerdiń týystary men jaqyndaryna kóńil aıtý jedelhatyn joldady.
Shahtadaǵy oqıǵaǵa baılanysty tótenshe jaǵdaılar mınıstri Iýrıı Ilın apat ornyna baryp, arnaıy komıssııa jumysyn bastady.
