Qazaqstan • 03 Qarasha, 2022

Máskeýde TMD-ǵa múshe memleketterdiń qaýipsizdik keńesi hatshylarynyń kezdesýi ótti

150 ret

kórsetildi

1 mın

oqý úshin

Máskeý qalasynda TMD-ǵa múshe memleketterdiń qaýipsizdik keńesi hatshylarynyń 10-shy kezdesýi ótti, dep habarlaıdy Egemen.kz Aqordaǵa silteme jasap.

Botakóz BAQBERGEN

Máskeýde TMD-ǵa múshe memleketterdiń qaýipsizdik keńesi hatshylarynyń kezdesýi ótti

Kezdesýge Qazaqstan Respýblıkasy Prezıdentiniń Kómekshisi – Qaýipsizdik Keńesiniń Hatshysy Ǵızat Nurdáýletov qatysty.

Forýmda TMD keńistigindegi qaýipsizdik pen turaqtylyqtyń zamanaýı syn-qaterleri jaǵdaıyndaǵy ózara is-áreket máseleleri zerdelendi.

Ǵızat Nurdáýletov áriptesterin Qazaqstannyń óńirlik qaýipsizdiktiń negizgi baǵyttary boıynsha ustanymy jaıynda habardar etti. Dálirek aıtqanda, ol ashyq jáne syndarly saıası-dıplomatııalyq dıalog kez kelgen daǵdarystan shyǵýdyń tıimdi ári ońtaıly jalǵyz joly ekenin jetkizdi.

Qazaqstannyń Qaýipsizdik Keńesiniń hatshysy óz baıandamasynda TMD-nyń ońtústik shekaralaryndaǵy qaýipsizdikti qamtamasyz etý úshin Aýǵanstandaǵy jaǵdaıdy tezirek retteý qajettigine nazar aýdardy.

$1667481288_ 2.jpg$

Is-shara aıasynda Ǵızat Nurdáýletov Reseı Federasııasy Qaýipsizdik Keńesiniń hatshysy Nıkolaı Patrýshevpen ekijaqty kezdesý ótkizdi. Kezdesý nátıjesinde eki eldiń Qaýipsizdik keńesiniń apparattary arasyndaǵy 2023-2024 jyldarǵa arnalǵan yntymaqtastyq josparyna qol qoıyldy.