Zertteý nátıjesinde kemshilikter anyqtalyp, usynystar ákimdikter men beıindi memlekettik organdarǵa jiberilgen.
Atap aıtqanda, 493 dárethana men qoqys konteınerlerin ornatý, ınternet pen uıaly baılanys sapasyn arttyrý, týrıstik bazalarǵa deıin ishki joldardy salý kerektigi anyqtalǵan. Sondaı-aq vokzal, janarmaı quıý stansııalary, tamaqtaný pýnktteri men basqa da nysandar tekserildi.
«Jergilikti atqarýshy organdar «jumsaq» ınfraqurylymdy jaqsartý, kommýnıkasııalar júrgizý jáne dárethanalar salý boıynsha jumysty jandandyrýy tıis», dep jazdy mınıstrliktiń baspasóz qyzmeti.
Aıta keteıik, sanıtarlyq-gıgıenalyq toraptardy taza ustaý úshin memleket aı saıyn 83 myń teńge kóleminde sýbsıdııa berýge daıyn. Ákimdikter jibergen aqparatqa sáıkes, jergilikti kásipkerler tarapynan bul mehanızm boıynsha 11 ótinim maquldanǵan. Onyń úsheýi Aqmola oblysynan, ekeýi ShQO jáne Abaı oblystarynan, tórteýi Jambyl jáne Qaraǵandy oblystarynan, taǵy ekeýi Qostanaı oblysynan.
