Uıymdastyrýshylar atap ótkendeı, baıqaýdyń mindeti - Qazaqstandaǵy ulttyq «fortepıano mektebin» damytý jáne balalar mýzykalyq jáne mamandandyrylǵan mektepteriniń, óner mektepteriniń, sondaı-aq basqa da qosymsha bilim berý uıymdarynyń oqýshylary arasynda oryndaýshylyq óner deńgeıin arttyrý.
Konkýrsqa qatysýǵa ótinimderdi qabyldaý 2022 jylǵy 19 qyrkúıekten 25 qazanǵa deıin júrgizildi. Qazirgi ýaqytta elimizdiń barlyq óńirlerinde irikteý týry júrip jatyr.
Baıqaý Qazaqstannyń 7 jastan 17 jasqa deıingi jas pıanısteri arasynda kelesi jas sanattarynda ótkiziledi:
- 7 jastan 10 jasqa deıingi kishi sanat;
- 11 jastan 14 jasqa deıingi ortasha sanat;
- 15 jastan 17 jasqa deıingi aǵa sanat.
Konkýrstyń jartylaı fınaly-irikteý kezeńinen ótken qatysýshylardy tyńdaý, sheberlik synyptaryn ótkizý Astanada 2022 jyldyń sońynda ótedi. Gala-konsert jáne jeńimpazdar men dıplomanttardy saltanatty marapattaý rásimi 2022 jyldyń 23 qarashasynda elordada ótedi.
Baıqaý qazylary alqasynyń quramyna Qazaqstannyń jetekshi mádenıet jáne óner qaıratkerleri men fortepıano óneri salasyndaǵy halyqaralyq baıqaýlardyń laýreattary kirdi.
