Quqyqtarymyz ben bostandyqtarymyzdy qorǵaý týraly aıtar bolsaq, bılikti bólý júıesinde sottardan basqa bul mańyzdy fýnksııany prokýratýra da atqaratynyn túsiný kerek. Endigi jerde prokýratýranyń quqyq qorǵaý áleýeti konstıtýsııalyq zańmen nyǵaıtyldy. Atap aıtqanda, Bas prokýrorǵa Konstıtýsııa normalaryn túsindirý, halyqaralyq sharttar men normatıvtik quqyqtyq aktilerdiń Konstıtýsııaǵa sáıkestigi máseleleri boıynsha Konstıtýsııalyq sotqa júginý quqyǵy berildi.
Sondaı-aq zańda adam, azamattardyń quqyqtary men bostandyqtaryn qorǵaý, qalpyna keltirý boıynsha prokýratýranyń Adam quqyqtary jónindegi ýákilmen, memlekettik organdarmen, jergilikti ózin-ózi basqarý organdarymen jáne basqa da uıymdarmen ózara is-qımyly qarastyrylǵan. О́zara árekettesý mehanızminiń quqyqtyq konsolıdasııasy azamattardyń quqyqtaryn qorǵaýǵa birshama múmkindik beredi.
Sonymen qatar zań prokýratýranyń zań shyǵarýshylyq qyzmetiniń ashyqtyǵyn belgileıdi. Endi Bas prokýrordyń azamattardyń quqyqtaryna, bostandyqtary men mindetterine qatysty normatıvtik quqyqtyq aktileri mindetti túrde jarııalanady.
Búgingi tańda azamattardy quqyqtyq qorǵaý salasynda qabyldanǵan zańnamalyq aktiler ınstıtýttardyń ózin nyǵaıtýǵa, azamattardyń quqyqtary men bostandyqtaryn qorǵaý rásimderin jetildirýge baǵyttalǵan. Bul bizdiń elimizde ajyramas konstıtýsııalyq azamattyq jáne saıası quqyqtar men bostandyqtardyń jalpy saqtalýyna oń áser etýge tıis.
Gúlmıra TOQANOVA,
Prezıdent janyndaǵy QSZI aǵa ǵylymı qyzmetkeri
