Qonysbekti stýdent shaǵynan biletin edim. О́tken ǵasyrdyń sekseninshi jyldarynyń basynda jastar gazetinde istep júrgen kezimde, men basqaratyn bólimge kelip jýrnalıstik tájirıbeden ótken-di. Áli balań stýdent bolsa da, jazýǵa jaýapkershilikpen qaraıtynyn birden baıqatqan. Berilgen taqyryptardy tap-tuınaqtaı etip oryndaýymen kózge túsken. Maqalalary da toqtaýsyz jaryq kórip jatty. Ýnıversıtetti bitirer kezde, redaksııaǵa arnaıy soǵyp, sál qysyla otyryp: «Aǵa, jaqynda bizge joldama berip, jan-jaqqa bóle bastaıdy. Sizben aqyldasaıyn dep edim, osy gazette qalýdyń múmkindigi bolar ma eken, janymdy salyp jumys ister edim», – degen ótinishi de esimde. Qoltańbasy qalyptasyp qalǵan jýrnalıst qaı jerde de kerek. Gazet redaktory Seıdahmet Berdiqul aǵamyzǵa baryp, Qonysbekteı daıyn jýrnalıstiń jastar gazetine laıyq ekendigin aıttym. Ol kisi de stýdenttiń jazǵandaryn baıqap júredi eken, qarsylyǵyn bildirgen joq. Sol 1982 jyly Qonysbek 300 myńnan astam taralymy bar «Lenınshil jas» (búgingi «Jas Alash») gazetine qyzmetke kelip, kóp ýaqyt ótpeı-aq qalamy júırik, qozǵaǵan taqyryptaryn tastaı qylyp oryndaıtyn izdenimpaz jurnalshylardyń birine aınaldy...
1990 jyly «Ana tili» gazeti ashylyp, onyń bas redaktorlyǵyna «Jas Alashta» jaýapty hatshy bop jumys istep júrgen osy joldardyń avtory taǵaıyndaldy. Jańa qurylǵan «Qazaq tili» qoǵamynyń jaýynger úni bolýǵa tıis Til jáne eltaný aptalyǵynyń jumysyn josparlaý, qandaı bólimderdi ashqan durys bolady, degen máselelerdi oılastyrý barysynda, til qoǵamynyń jumysyn jan-jaqty kórsetý úshin bir bólimdi «Til jáne áleýmettik ómir» dep ataý qajet shyǵar degen oı kelgen. Al ony kim júrgize alady? Árıne, Qonysbek. Dereý osy usynysymdy Qonysbekke jetkizdim. О́zi de «Jas Alashtyń» bildeı bir bólimin basqaryp otyrǵan ol, jańa aptalyqtyń maqsatyn baǵamdaǵannan keıin birden aýysyp kelýge kelisti. Sodan «Ana tiliniń» alǵashqy kezeńdegi dúbirli sherýine bel sheshe aralasyp ketti. Baqyt Sarbalauly, Ertaı Aıǵalıuly, Ǵarıfolla Ánes sııaqty júıriktermen birge Qonysbek te jańa gazettiń alǵashqy túrenin salýǵa belsene qatysty. Birden halyq kóńilinen shyqqan basylymǵa aınalyp, birinshi jyldyń ózinde 111 myń taralym jınaǵan aptalyqtyń sol dúmpýli órleýinde dál osy quramnyń qosqan úlesi orasan zor.
Úsh jyldan keıin árdaıym izdeniste júretin Qonysbek baspagerlik baǵytqa qaraı at basyn burdy. Birtin-birtin ol iske de tóselip, ózi keıinnen qurǵan «QazAqparat» baspasy elimizdegi jetekshi korporasııalardyń birine aınaldy. Bezendirilýi men turqy bólek neshe túrli qundy-qundy kitap ónimderi shyǵaryldy. Sonyń báriniń basynda áýelden júrdek oıly jurnalshy, qalamy shıraq prozashy, baspa isiniń úzdigi Qonysbek júrgen edi.
Qaıran Qonysbek, endi sen de máńgilik mekenińe ozypsyń. Mundaıda «qazanyń aldy ımandy, arty qaıyrly bolsyn» dep kóńil aıtqannan basqa ne shara bar. Shyqqannyń esesin bersin, qalǵannyń berekesin bersin...
Jarylqap BEISENBAIULY
