Qazaqstandyq JOO stýdentteri 4G jáne 5G tehnologııalary, zattar ınterneti, bulttyq sheshimder, jasandy ıntellekt jáne kıberqaýipsizdik sııaqty ozyq tehnologııalar men sheshimderdi zerdeleý boıynsha halyqaralyq baǵdarlamaǵa qatysady. Qatysýshylar qataryna tehnıkalyq mamandyqtar boıynsha oqıtyn jáne aqparattyq-kommýnıkasııalyq tehnologııalar salasyna qyzyǵýshylyq tanytatyn elimizdiń jetekshi ýnıversıtetteriniń úzdik ókilderi kiredi. Ústimizdegi jyly birneshe qazaqstandyq joǵary oqý oryndarynyń, atap aıtqanda AEjBÝ, KIMEP, QQEÝ, QazUÝ, HATÝ, Nazarbaev Ýnıversıteti, QBTÝ, Astana IT ýnıversıteti jáne Sátbaev ýnıversıtetiniń 30 stýdenti irikteý týrynyń fınalısteri atandy.
«Seeds for the Future 2022» qazaqstandyq baǵdarlamasynyń ashylý saltanatynda QR Ǵylym jáne joǵary bilim vıse-mınıstri Kamıl Aqatov, Huawei Technologies Kazakhstan Bas dırektory apparatynyń basshysy Farıda Tóleýbaeva jáne AHQO Tórtinshi О́nerkásiptik Revolıýsııa Úlestes Ortalyǵynyń basshysy Pavel Koktyshev sóz sóıledi.
«Qazir ekonomıkanyń birde-bir salasy óziniń dástúrli sıpatynda emes, bul rette sıfrlandyrý úlken ról atqarady. AKT mamandyqtarynda oqıtyn stýdentterdiń JOO baǵdarlamasymen qatar kóp kólemde qosymsha quzyrettilikter alýy óte mańyzdy. Elimizde búgingi tańda múmkindikter óte kóp – bizdiń naryqqa qyzyǵýshylyq tanytatyn jáne óz quzyretterimen bólisýge daıyn ártúrli kompanııalar jetkilikti. Bizdiń qazaqstandyq stýdentterge halyqaralyq tájirıbemen tanysyp, praktıkalyq keısterdi zerdelep, sarapshylarmen áńgimelesý mańyzdy. «Seeds for the Future» baǵdarlamasy sıfrlandyrý salasynda belgili bir mindetter qoıa otyryp, elimizde IT salasynda kóptegen mamandar daıarlaıtyn baǵyttardyń birin iske asyrýǵa kómektesedi», dep atap ótti QR Ǵylym jáne joǵary bilim vıse-mınıstri Kamıl Aqatov.
7 kún ishinde jas mamandar 5G, Big Data, AI, IP, Cloud-tehnologııalar, «aqyldy» úıler men qalalar, kıberqaýipsizdik sııaqty AKT negizgi baǵyttary boıynsha onlaın-kýrstardan ótedi. Sabaqtardy Huawei kompanııasynyń jetekshi sarapshylary ótkizedi, olar kompanııa jyldar boıy damytyp kele jatqan sıfrlyq tehnologııalar salasyndaǵy qazaqstandyq mamandardy daıarlaý ekojúıesin qurý strategııasyna sáıkes stýdenttermen AKT salasyndaǵy óz bilimderi men tájirıbelerimen bólisedi. Baǵdarlama barysynda qatysýshylar Tech4Good komandalyq jobasynda jumys isteıtin bolady, onda olar adam ómiriniń mańyzdy salalaryndaǵy ınnovasııalyq tehnologııalardyń róli men qundylyǵyn kórsete alady.
«Seeds for the Future 2022» baǵdarlamasy AKT ınfraqurylymynyń búkil ekojúıesine yqpal etedi. Biz jas urpaqtyń osy sektordy damytýdaǵy zamanaýı ınnovasııalyq trendter men ınnovasııalardy túsinip-bilse jáne bolashaqta bul bilimdi Qazaqstanda qoldana alsa dep tileımiz, - dedi Huawei Technologies Kazakhstan Bas dırektory apparatynyń basshysy Farıda Tóleýbaeva. - Kýrsqa búkil álem boıynsha úzdik dáriskerler jınalǵandyqtan, oqý barysynda stýdentter jahandyq bilim alady. Bul baǵdarlama Huawei kompanııasynyń negizgi jobalarynyń biri bolyp tabylady jáne Qazaqstanda biz óz stýdentterimizge qoldaý kórsetip, elimizde álemdik deńgeıdegi bilim alýǵa bolatyndyǵyn kórsetkimiz keledi. Osy maqsatta biz QR ýnıversıtetterinde AKT-akademııalaryn ashamyz, onda stýdentter trenıngterden ótýge jáne búkil álemde tanylǵan halyqaralyq sertıfıkat alýǵa múmkindik alady».
Qazaqstanda irikteý týry 11-21 qazan aralyǵynda ótti. Osy ýaqyt ishinde stýdentterden 199 ótinim qabyldandy, olardyń ishinde 30-y jobanyń qatysýshylary atandy. GPA-nyń eń jaqsy kórsetkishteri, motıvasııalyq hat jáne AKT ındýstrııasyna úlken qyzyǵýshylyq jobaǵa irikteýdiń negizgi krıterııleri boldy. Baǵdarlamany aıaqtaǵannan keıin barlyq kýrstardy sátti oqyp, joba qyzmetine belsendi qatysqan qatysýshylar sertıfıkattar men estelik syılyqtarǵa, sondaı-aq Huawei kompanııasynda taǵylymdamadan ótý múmkindigine ıe bolady.
